အစ္စလာမ်သာသနာရေးရာကောင်စီ

Thursday, February 5, 2015

အစ္စလာမ့်သမိုင်းတွင် ပထမဆုံး ဂျူမုအဟ်၌ ကိုယ်တော်မြတ်ကြီး(ဆွ)သခင် မိန့်ကြားတော်မူခဲ့သော ပထမဦးဆုံးသော ဂျူမုအဟ်ခွသ်ဗဟ်

အစ္စလာမ့်သမိုင်းတွင် ပထမဆုံး ဂျူမုအဟ်၌ ကိုယ်တော်မြတ်ကြီး(ဆွ)သခင် မိန့်ကြားတော်မူခဲ့သော ပထမဦးဆုံးသော ဂျူမုအဟ်ခွသ်ဗဟ်

တမန်တော်မြတ်(ဆွ)သခင်သည် အလ္လာဟ်အရှင်မြတ်အား ချီးကျူးထောပနာမေတ္တာမင်္ဂလာပို့သပြီးနောက် အောက်ပါအတိုင်း မိန့်ချွေတော်မူခဲ့လေသည်။

အို - - လူသားအပေါင်းတို့ အသင်တို့သည် မိမိတို့အတွက် ကောင်းမှုကုသိုလ်များကို ကြိုတင်ပြုလုပ်ကြလေကုန်။ မုချ အသင်တို့အားလုံးသည် တစ်နေ့ မေ့မျောသေဆုံးကြရပေမည်။ ထို့နောက် လူသားသည် မိမိတို့အလွန်တွယ်တာကြသည့် သိုး၊ဆိတ်များကို ထိန်းကျောင်းသူမပါ စွန့်ပစ်ခဲ့ကြရလိမ့်မည်။

ထို့နောက် အရှင်မြတ်ရှေ့တော်မှောက်သို့ ရောက်ကြရလိမ့်မည်။ ထိုအချိန်ကာလ (ဟယှရ်)တွင် အလ္လာဟ်အရှင်မြတ်နှင့် ၎င်းပုဂ္ဂိုလ်၏အကြားတွင် မည်သည့်အကာအကွယ်မျှမရှိပဲ မည်သည့် စကားပြန်မျှ မပါပဲ တိုက်ရိုက်စစ်ဆေးခြင်းကို ခံရလိမ့်မည်။

ထိုအချိန်ဝယ် အလ္လာဟ်အရှင်မြတ်က အို လူသား အသင့်ထံသို့ တရားဓမ္မဟောကြားရန် ငါအရှင်၏ တမန်တော် မရောက်လာခဲ့သလော။ ငါအရှင်သည် အသင့်အား မြောက်မြားစွာသော စည်းစိမ်ဥစ္စာကို မပေးခဲ့သလော။ အသင်သည် ၎င်းကျေးဇူးတော်များကို ထောက်ရှု့ပြီး အသင့်အတွက် မည်သည့် ကောင်းမှုကုသိုလ်များကို ကြိုတင်ပြုလုပ်ခဲ့ပါသနည်းဟု စစ်မေးသည့်အခါ လူသားသည် ကုသိုလ်ကောင်းမှု ရှာဖွေသည့်သဘောဖြင့် မိမိ၏ လက်ဝဲ လက်ယာဘက်ကြည့်သော်လည်း တစ်စုံတစ်ရာမျှ တွေ့ရှိရမည်မဟုတ်။ တဖန် မိမိ၏ အရှေ့ဘက်သို့ မျှော်ကြည့်သော်လည်း ငရဲဘုံမှအပ မည်သည့်အရာကိုမျှ တွေ့မြင်ရမည်မဟုတ်။ ထို့ကြောင့် အကြင်ပုဂ္ဂိုလ်သည် မိမိကိုယ်မိမိ ငရဲဘေးမှ ကင်းဝေးစေရန် တတ်နိုင်လျှင် စွန်ပလွံစေ့တစ်ခြမ်းမျှဖြစ်စေ လှူဒါန်းကြ။ အကယ်၍ ထိုမျှပင် မတတ်နိုင်ခဲ့သော် ချိုသာမြင့်မြတ်သည့် စကားကို ပြောဆိုကြ။ မုချ အသင်တို့ပြုလုပ်သည့် အလှူဒါန၏အကျိုးကို အရှင်မြတ်ဘက်တော်မှ ဆယ်ဆမှ အဆပေါင်း ခုနှစ်ရာထိပင် ချီးမြှင့်ခြင်း ခံရလိမ့်မည်။ အသင်တို့အပေါ်သို့ အလ္လာဟ်အရှင်မြတ်ဘက်တော်မှ ငြိမ်းချမ်းမှုအဖြာဖြာ သက်ရောက်ပါစေဟု မိန့်ချွေတော်မူခဲ့လေသည်။

အလ်ဟာဂ်ျ ခလီဖှဟ် သမားတော် စာရေးဆရာ ဝါးခယ်မစိုးမြင့်အောင် ၏ { ဂေါက်စွလ်အအ်ဇွမ် (ရသွေ့)သခင်ကြီး၏ ထွဋ်မြတ်လှစွာ ရွှေဂျူမုအဟ် - ဂျူမုအဟ်နေ့ ကြီးကျယ်ထွဋ်မြတ်ခြင်းအကြောင်း } စာအုပ် (စာမျက်နှာ - ၆၃)မှ ကူးယူဖော်ပြပါသည်။

******************

Wednesday, January 28, 2015

ဇေယျကျော်ထင် ဒုဗိုလ်မှူးကြီးဘရှင်(၁၉၁၅-၁၉၇၀)

ဇေယျကျော်ထင် ဒုဗိုလ်မှူးကြီးဘရှင်(၁၉၁၅-၁၉၇၀)
~~~~~~~~~~~~~~~~~~~~~~~~~~~~~

▌ဗိုလ်မှူးဘရှင် (၁၉၁၅-၁၉၇၀)သည် ခေတ်ဟောင်း မြနမ်မာ့သမိုင်း သုတေသနနယ်ပယ်၌ ထင်ရှားသေား ကမ္ဘာသိ မြန်မာ့သမိုင်းပညာရှင်တစ်ဦးဖြစ်သည်။ ၁၉၅၅ - ခုနှစ်တွင် စတင်ဖွဲ့စည်းသည့် သမိုင်းကော်မရှင်တွင် အဖွဲ့ဝင်ဖြစ်သည်။

▌ဗိုလ်မှူးဘရှင်သည် ခေတ်ဟောင်း မွန်မြန်မာကျောက်စာ မင်စာနှင့် မြန်မာတိုင်းရင်းသားလူမျိုးစုရေးရာများတွင် အဆုံးအဖြတ်ပေးနိုင်သည့် ပညာရှင်တစ်ဦးအဖြစ် သတ်မှတ်ခံရသည်။

▌ဗိုလ်မှူးဘရှင်သည် မြန်မာတိုင်းရင်းသားအချို့၏ ဘာသာစကားနှင့် မွန်၊ခမာ၊တိဘက်၊မြန်မာ၊ရှမ်း၊တရုတ်နှင့်အိန္ဒိယဘာသာစကားများကို လေ့လာလိုက်စားခဲ့သည် အင်္ဂလိပ်ဘာသာစကားနှင့် အပြောအဆို ကျွမ်းကျင်မှုမှာ နိုင်ငံတကာ ပညာရှင်အဆင့်ကို ကောင်းစွာမီ၍ ပညာရှင်များကိုယ်တိုင် ချီးမွမ်းရပါသည်။

▌ဗိုလ်မှူးဘရှင်သည် သမိုင်းသုတေသနပညာရှင်သက်သက်မျှ မဟုတ်ချေ။ မြန်မာနိုင်ငံ လွတ်လပ်ရေးကြိုးပမ်းမှုသမိုင်းတွင် ကိုယ်တိုင်ပါဝင်ခဲ့သူတစ်ဦး ဖြစ်သည်။

▌ဂျပန်ခေတ်တွင် အာရှလူငယ်အစည်းအရုံး၏ ဥာဏဗလတာဝန်ခံ၊ ဗမာ့ကာကွယ်ရေးတပ်မတော်(ဘီဒီအေ)ပညာရေးအရာရှိအဖြစ် ဆောင်ရွက်သည်။ ထိုသို့ဆောင်ရွက်နေစဉ် " အာရှစစ်ကြီးနှင့် သာတူညီမျှ အကျိုးခံစားရေးစနစ် " စာအုပ် ရေးသား၍ အာရှလူငယ်စာစဉ်(၁)အဖြစ်၊ ၁၉၄၄ ခုနှစ်တွင် ပုံနှိပ်ထုတ်ဝေခဲ့သည်။ ဖက်ဆစ်တော်လှန်ရေးတွင် တိုင်း(၄)မှ ပါဝင်သည်။ " တိုင်း ၄ သတင်းစာ "ကို ဦးစီးထုတ်ဝေခဲ့သည်။ တပ်မတော်ပညာရေးအတွက် " ဥရောပစီးပွားရေးရာဇဝင် " (ပထမပိုင်း) ကို ပြုစုပေးရာ တိုင်း(၄)ပြည်သူ့ဆက်ဆံရေးဌာနက ၁၉၄၅ ခုနှစ်တွင် ပုံနှိပ်ထုတ်ဝေခဲ့သည်။ ဖက်ဆစ်တော်လှန်ရေးပြီးနောက် တပ်မတော်တွင် ဆက်လက်အမှုထမ်း၍ တပ်မတော်ပညာရေးအတွက် "မြန်မာနိုင်ငံတော်သမိုင်း"ကို ရေးသားသည်။ ထို့နောက် ၁၉၄၈ခုနှစ် လွတ်လပ်ရေးနေ့အထိမ်းအမှတ်အဖြစ် " မြန်မာနိုင်ငံတော်သမိုင်း "စာအုပ်ကို ထုတ်ဝေခဲ့ရာ၊ တက္ကသိုလ်ဝင်တန်း ကျောင်းသုံးပြဋ္ဌာန်းစာအုပ်အဖြစ် သတ်မှတ်ခံရသည်။ " မြန်မာရာဇဝင် "ဟူသော ဝေါဟာရအစား " မြန်မာ့သမိုင်း "ဟူသော စကားကို ပထမဆုံးအသုံးပြုသည့် သမိုင်းပညာရပ်ဆိုင်ရာ စာအုပ်တစ်အုပ် ဖြစ်သည်။

▌၁၉၅၅ ခုနှစ်၊ ဇန်နဝါရီ ၂၆ ရက်နေ့တွင် " မြန်မာနိုင်ငံ သမိုင်းကော်မရှင် "ကို စတင်ဖွဲ့စည်းတည်ထောင်ခဲ့ရာ ပညာမင်းကြီးဦးကောင်း၊ ရန်ကုန်တက္ကသိုလ်ပါမောက္ခချုပ် ဒေါက်တာထင်အောင်၊ ဝန်ကြီးချုပ်အတွင်းဝန် ဦးသန့်၊ ဆရာအတတ်သင်ညွှန်ကြားရေးဝန် ဦးဘ၊ ပြန်ကြားရေးဌာန ညွှန်ကြားရေးဝန် ဦးယော(ဇေယျ)၊ ကျောင်းသုံးစာအုပ်ထုတ်ဝေရေးဆိုင်ရာ ညွှန်ကြားရေးဝန် ဦးသိန်းဟန်(ဇော်ဂျီ)၊ ရန်ကုန်တက္ကသိုလ် သမိုင်းပါမောက္ခ ဦးဘညွန့်၊ အရှေ့တိုင်းနှင့် မြန်မာနိုင်ငံသမိုင်းပါမောက္ခ ဒေါက်တာကျော်သက်၊ ရန်ကုန်တက္ကသိုလ် အင်္ဂလိပ်စာပါမောက္ခ ဦးမျိုးမင်းတို့နှင့်အတူ ဇေယျကျော်ထင်ဗိုလ်မှူးဘရှင်သည် တစ်ဦးအပါအဝင်ဖြစ်သည်။

▌၁၉၆၀-ခုနှစ်တွင် သမိုင်းကော်မရှင်ကို ပြင်ဆင်ဖွဲ့စည်းခဲ့ရာ တပ်မတော်မှ အငြိမ်းစားယူခဲ့သော ဗိုလ်မှူးဘရှင်သည် ကော်မရှင်၏ အလယ်ခေတ် ကျမ်းပြုမှူးနှင့် သမိုင်းတံခွန်စာစောင် အယ်ဒီတာအဖွဲ့ဝင်အဖြစ် ဆောင်ရွက်ခဲ့သည်။ နိုင်ငံ သမိုင်းကော်မရှင်၏ ဥက္ကဋ္ဌမှာ ရန်ကုန်တက္ကသိုလ် ကျောင်းအုပ်ကြီးဟောင်း ဒေါက်တာ ဦးဖေမောင်တင် (၁၈၈၈-၁၉၇၃)ဖြစ်သည်။

▌ဗိုလ်မှူးဘရှင် ကွယ်လွန်ပြီးနောက်ပိုင်း ၁၉၇၁ ခုနှစ်တွင် ပုဂံစာအုပ်တိုက်မှ " အနော်ရထာအရင်က မြန်မာနိုင်ငံ" အမည်ဖြင့် ပုံနှိပ်ထုတ်ဝေခဲ့သည်။ ဗိုလ်မှူးဘရှင်အဆုံးမသတ်ခဲ့ရသော စာတမ်းမှာ ပညာတန်ဆောင် အတွဲ-၁၈၊ အမှတ် ၁ (ဇန်နဝါရီ ၁၉၆၉)မှ အမှတ် ၈ (သြဂုတ် ၁၉၆၉)ထိ ရေးသားခဲ့သော " ပုဂံခေတ် မြန်မာနိုင်ငံ " ဖြစ်သည်။ ပုံနှိပ်အထောက်အထားဖြင့် မတွေ့ရသေးသော စာတမ်းတစ်စောင်မှာ ၁၉၆၀ ပြည့်နှစ်အတွင်း ကမ္ဘာအေးဗုဒ္ဓတက္ကသိုလ်၌ အင်္ဂလိပ်ဘာသာဖြင့် ၆ ကြိမ်ဆက်တိုက် ဟောပြောခဲ့သော Terracotta Votive Tablets of the Early Pyu and Pagan Dynaesty ဟောပြောချက် ဖြစ်သည်။

▌ဗိုလ်မှူးဘရှင်သည် မြန်မာနိုင်ငံသမိုင်းကော်မရှင်မှ ပုံနှိပ်ထုတ်ဝေရန် ကော်မရှင်စာစဉ် ၆ အဖြစ် " မဇ္ဈိမဒေသ အရေးတော်ပုံကျမ်း"ကို တည်းဖြတ်ပေးခဲ့သည်။ " မြန်မာနိုင်ငံသား အစ္စလာမ်ဘာသာဝင်တို့အား ရှေးမြန်မာမင်းတို့က ချီးမြှင့်ခဲ့ပုံများ " (စာ- ၁၁၇) စာတမ်းကိုလည်း ရေးသားခဲ့သည်။ မြန်မာနိုင်ငံ သမိုင်းကော်မရှင်သည် ဥက္ကဋ္ဌ ဦးဖေမောင်တင်၏ ဦးဆောင်ကြီးကြပ်မှုဖြင့် " မြန်မာနိုင်ငံ သမိုင်းအခြေပြ ကျမ်းငယ် " တစ်စောင် ရေးသား စီစဉ်ခဲ့ရာ ၁၉၆၂ ခုနှစ် သြဂုတ်မှ ဒီဇင်ဘာ အတွင်း ဗိုလ်မှူးဘရှင်သည် အခန်း ၃-ခန်း ရေးသားတင်သွင်းခဲ့သည်။

▌ဗိုလ်မှူးဘရှင်၏ သုတေသနလက်ရာများတွင် မြန်မာနိုင်ငံသမိုင်းကော်မရှင်က ထုတ်ဝေခဲ့သည့် လောကထိပ်ပန်(Loka Hteik Pan)သည် အထင်ရှားဆုံးဖြစ်သည်။

▌ "...အဲဒီစာအုပ်မှာ ပုဂံအနုပညာနှင့် ဗိသုကာပညာများကို ကျမ်းပြုသူက အကယ်တဝင့် ရှင်းလင်းတင်ပြထားတာကို တွေ့နိုင်ပါတယ်။ သုတေသနတန်ဖိုးအများကြီးရှိတဲ့ တင်ပြချက်ဖြစ်လို့ အားရနှစ်သက်စရာရှိပါတယ်။ မြန်မာ့သမိုင်းအဖွဲ့ရဲ့ ပထမစာအုပ်ပဲလို့ ဂုဏ်ယူနိုင်လောက်အောင် ပထမစွဲတဲ့စာအုပ်ဖြစ်ပါတယ်။"

▌ဗိုလ်မှူးဘရှင်နှင့် ပတ်သက်၍ ထင်ရှားသော စာအုပ်တစ်အုပ်မှာ " Artibus Asiae "(အာတိဘတ်စ်အေရှ)Vol.33,Part 1 (1973) စာစောင်ဖြစ်သည်။

▌ဗိုလ်မှူးဘရှင်အား ပါမောက္ခ လူ့စ်ကိုယ်တိုင် သူ၏ ထင်ရှားသော Old Burma-Early Pagan(1969)စာအုပ်၏ ပူးတွဲရေးသားသူ Joint Author အဖြစ် အမှတ်တရာဖော်ပြထားသည်။ ဗိုလ်မှူးဘရှင်ကို ၁၉၁၅ ခုနှစ်၊ ဒီဇင်ဘာလ ၂၇ ရက် ၊ တနင်္ဂလာနေ့တွင် ပျဉ်းမနားမြို့ ရွာကောက်ရပ်၌ဖွားသည်။ အဖ ကျောင်းဆရာ ဦးဟိန်၊ အမိ ဒေါ်စောရင် ဖြစ်သည်။ ၁၉၃၃-၃၈ တွင် ရန်ကုန်တက္ကသိုလ်၊ယုဒသန်ကောလိပ်၌ ပညာသင်ကြား၍ ၁၉၃၈ ခုနှစ်တွင် အရှေ့တိုင်းရာဇဝင် ဂုဏ်ထူးတန်းဖြင့် ဝိဇ္ဇာဘွဲ့ရခဲ့သည်။ ၁၉၃၈-၄၁ တွင် ရန်ကုန်တက္ကသိုလ် အရှေ့တိုင်းရာဇဝင်နည်းပြ၊ လက်ထောက်ကထိကအဖြစ် ဆောင်ရွက်သည်။ ၁၉၄၂-၄၃ တွင် ဂျပန်ခေတ် အာရှလူငယ်အစည်းအရုံး၊ဥာဏဗလတာဝန်ခံ၊ ၁၉၄၃ ခုနှစ်တွင် ဗမာ့ကာကွယ် ရေတပ်မတော်၌ဗိုလ်ကြီး၊ တပ်မတော်ပညာရေးပညာရေးအရာရှိ၊ပဲခူးစံပြတပ်မတော် သမိုင်းနည်းပြနှင့် ဂျပန်တော်လှန်ရေးတွင် တိုင်း(၄)မှ ပါဝင်ခဲ့သည်။ ၁၉၄၅-၄၆တွင် တပ်မတော်၌ ဗိုလ်မှူး၊ အင်္ဂလန်တွင် စစ်သံမှူး ဒုတိယဗိုလ်မှူးကြီး၊၁၉၆၀-၇၀ တွင် မြန်မာနိုင်ငံ သမိုင်းကော်မရှင် အစောဆုံးမှ အလယ်ခေတ်အထိ ကျမ်းပြုအရာရှိအဖြစ် တာဝန်ထမ်းဆောင်ခဲ့သည်။

▌ဗိုလ်မှူးဘရှင်သည် အစ္စလာမ်သာသနာရေးရာကောင်စီတွင် အန်စွာရီသင်တန်းများကို တိုင်းချစ်ပြည်ချစ်စိတ်ရှိအောင် သာသနာဗဟုသုတ ကျယ်ကျယ်ပြန့်ပြန့်သိရှိအောင် တိုင်းကျိုးပြည်ကျိုး သာသနာအကျိုး ကျေပွန်စွာ ထမ်းဆောင်နိုင်စေအောင် အစ္စလာမ်သာသနာရေးကောင်းစီ ဖွံ့ဖြိုးတိုးတက်ကြံ့ခိုင်စေရန်ရည်ရွယ်လျက် မြန်မာပြည်ဒေသအနှံ့တွင် သင်တန်းများကို အမှတ်စဉ်(၁)မှ အမှတ်စဉ် (၂၈)အထိ ကိုယ်တိုင်ကိုယ်ကျ ဦးဆောင်ပါဝင် ပို့ချခဲ့သည်။ ခုတိုင် အစ္စလာမ်သာသနာရေးရာကောင်စီသည် အန်စွာရီသင်တန်းများကို စဉ်ဆက်မပြတ်ဖွင့်လှစ်ပို့ချလျက်ရှိနေပေသည်။ ဗိုလ်မှူးဘရှင်၏ အထင်ကရ လုပ်ဆောင်ချက်တစ်ရပ်မှာ ကျမ်းမြတ်ကုရ်အာန် နှစ် ၁၄၀၀ ပြည့်ကို ဦးစီးဦးဆောင် ကျင်းပခဲ့ခြင်းဖြစ်သည်။

▌ ဗိုလ်မှူးဘရှင်သည် မြန်မာနိုင်ငံ သုတေသနအသင်း အမှုဆောင် ကော်မတီ (၁၉၆၅-၆၉)၊ မြန်မာစာကော်မရှင်အဖွဲ့ဝင်။ ရန်ကုန်တက္ကသိုလ် သမိုင်းဘွဲ့လွန်သင်တန်းများတွင် အထူးကထိက၊ မြန်မာနိုင်ငံ အစ္စလာမ်သာသနာရေးကောင်စီဌာနချုပ် အထွေထွေအတွင်းရေးမှူးအဖြစ် ဆောင်ရွက်ခဲ့သည်။ ၁၉၇၀ ခုနှစ် ဇန်နဝါရီလ (၇)ရက် ညနေ (၅း၅၀)နားရီတွင် နှလုံးရောဂါဖြင့် ရန်ကုန်မြို့၌ ကွယ်လွန်ခဲ့ပါသည်။ ကွယ်လွန်ချိန်၌ ဇနီးဒေါ်ခင်မေကြီး(သတ္တဗေဒကထိက)နှင့် သား-၁ ဦး ၊သမီး ၄ - ဦးကျန်ရစ်သည်။

ဗိုလ်မှူးကြီးဘရှင် ပြုစုခဲ့သော စာအုပ်များ
*****************************

၁။ ခေတ်သစ်မာဃ - (၁၉၃၇ ခုနှစ်)
၂။ မြန်မာနိုင်ငံကျေးလက်ပြုပြင်ရေးစာတမ်း - (၁၉၃၉ ခုနှစ်)
၃။ မြန်မာနိုင်ငံသမိုင်း - (၁၉၄၈ ခုနှစ်)
၎။ Loka Hteik Pan ( in English) ( ၁၉၆၂ ခုနှစ် )
၅။ ပုဂံမင်စာစု ( ၁၉၆၄ ခုနှစ် )
၆။ စစ်ရေး၊ နိုင်ငံရေး၊ လူမှုရေးဆိုင်ရာ သမိုင်းစာတမ်း - (၁၉၆၉ ခုနှစ်)
၇။ အနော်ရထာအရင်က မြန်မာနိုင်ငံ - (၁၉၇၀ ခုနှစ်)

*******************************

ရှာဖွေစုဆောင်းဆက်လက်တင်ပြသူ - သျှိသျှားမောင်

▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌▌

PDF တိုက်ရိုက်ဖတ်ရှုရန်နှင့်ဒေါင်းရန်

https://docs.google.com/a/blumail.org/viewer?a=v&pid=sites&srcid=Ymx1bWFpbC5vcmd8bWF1bmdtYXVuZzkyNXxneDo3NmZkNzk0NGJhYjMyMDQy

ကဝိပညာကျော်တို့၏မျက်ရှု့မြတ်တမန်-ပြန်ဆိုသူ-အလ်ဟာဂ်ျဦးညွန့်မောင်သျှိန်

**********************************************

https://docs.google.com/a/blumail.org/viewer?a=v&pid=sites&srcid=Ymx1bWFpbC5vcmd8bWF1bmdtYXVuZzkyNXxneDo3MmE4MjFjYTkzNWZhZjli

မြန်မာနိုင်ငံတွင်အစ္စလာမ်သာသနာရောက်ရှိလာခြင်း-ဗိုလ်မှူးဘရှင်(မြန်မာနိုင်ငံသမိုင်းကော်မရှင်)ဘာသာပြန်-ကျော်သက်ဟန်

Tuesday, January 27, 2015

မြန်မာနိုင်ငံတွင် အစ္စလာမ်သာသနာရောက်ရှိလာခြင်း

မြန်မာနိုင်ငံတွင် အစ္စလာမ်သာသနာရောက်ရှိလာခြင်း
~~~~~~~~~~~~~~~~~~~~~~~~~~~~
၁၉၃၁ ခုနှစ် သန်းခေါင်စာရင်း အစီရင်ခံစာအရ ဗမာပြည်၏ မွတ်စလင်လူဦးရေသည် ၅၈၄၈၃၉ ဦးဖြစ်သည်။ နှစ်ပေါင်း ၃၀ ကြာပြီးနောက် ယနေ့အခါတွင် ဤကိန်းဂဏန်းမှာ မမှန်တော့ပါ။ အစ္စလာမ်ဘာသာ ကိုးကွယ်မှုကို ဖော်ပြသော တိုင်းပြည်၏ လူဦးရေမှာ အပြောင်းအလဲများစွာ ရှိခဲ့ပြီဖြစ်ပါသည်။ အရှေ့ပါကစ္စတန်နှင့် နယ်ချင်းစပ်လျက် တည်ရှိသော ရခိုင်တိုင်း၊ စစ်တွေခရိုင်မှ မကြာမီက ခွဲထုတ်ခဲ့သော မေယုနယ်ခြား ခရိုင်သစ်တစ်ခုတည်းကပင် မွတ်စလင်လူဦးရေ သုံးသိန်းကျော်ရှိကြောင်း ဖော်ပြခဲ့သည်။ ထို့ပြင် ပိုမိုကြီးမားသော မြို့များနှင့် ကျေးရွာများဖြစ်သော အထူးသဖြင့် ရန်ကုန်၊ ရွှေဘို၊ စစ်ကိုင်း၊ မန္တလေး၊ ကျောက်ဆည်၊ ရမည်းသင်း၊ ကျိုက္ခမီ၊ မိတ္ထီလာနှင့် ကရင်ပြည်နယ်တို့တွင်လည်း မွတ်စလင်လူဦးရေ အစုအဝေးများ ရှိကြသည်။
တမန်တော်မိုဟမ္မဒ် ကွယ်လွန်ပြီးနောက် နှစ်ပေါင်း(၁၀၀)အတွင်း အစ္စလာမ်သာသနာသည် ဥရောပ-အာရှအလယ်ရပ်ဝန်းကြီးအတွင်း ပြန့်နှံ့ခဲ့သည်ဆိုသော အချက်မှာ ထင်ရှားသောအချက်ဖြစ်ပါသည်။ အေဒီ ၁၂၀၂ ရောက်သောအခါ အစ္စလာမ်သာသနာသည် အရှေ့ဘက်၌ ဘင်္ဂလားနယ် ဗြဟ္မပုတ္တရ မြစ်ကမ်းခြေအထိ ရောက်ရှိခဲ့သည်။ သို့သော်လည်း ပါရှန်း- အာရပ် ကုန်သည်များနှင့် သင်္ဘောသားများသည် ထို့ထက် နှစ်ပေါင်း(၃၀၀)စော၍ အိန္ဒိယနှင့် ကမ္ဘာ့အရှေ့ဖျားဒေသများသို့ ရောက်ရှိခဲ့ကြပါပြီ။ အေဒီ ၈၇၁ ထုတ် စာရေးသူ အမည်မသိသော အာရပ်ကျမ်းတစ်စောင်အရ အာရပ်ခရီးသည်နှစ်ဦးသည် မြန်မာပြည်တောင်ဘက် ဘင်္ဂလားပင်လယ်အော်ထဲရှိ အန်ဒမန်ကျွန်းသို့ ရောက်ရှိခဲ့ကြောင်း သိရသည်။ အေဒီ ၈၅၁ ခုနှစ်တွင် စုလိုင်မန်ခေါ် ပါရှန်ကုန်သည်တစ်ဦးသည် အိန္ဒိယနှင့် တရုတ်တို့တွင် ကိုယ်တိုင်ခရီးသွားလာခဲ့သည့်အကြောင်း ရေးသားခဲ့ပြီး တရုတ်ပြည်နှင့် အိန္ဒိယကမ်းခြေဒေသများအကြောင်းကို အာရဗီဘာသာဖြင့် အစောဆုံးရေးသားဖော်ပြထားသည်။

        ကျော်ဖြူ၊ ပုသိမ်၊ သန်လျင်၊ မုတ္တမနှင့် မြိတ် စသည်တို့ကဲ့သို့သော မြန်မာပြည် ပင်လယ်ဆိပ်ကမ်းမြို့များ၏ အနီးအနား နေရာများတွင် ရှေးအခါက သင်္ဘောများ ပျက်ဆီးခဲ့ကြသည့်အကြောင်း ဒဏ္ဍရီဆန်ဆန် ပြောဆိုမှုများ အနှံ့အပြားတွင် ရှိကြသည်။ ထိုထက်မျာစွာနောက်ကျပြီးသော ကာလက မွန်နှင့်မြန်မာရာဇဝင်များနှင့် အောက်မြန်မာပြည်၏ ဘုရားသမိုင်းအချို့တွင် သင်္ဘောပျက်၍ ရောက်လာသော သင်္ဘောသားများ၊ ကုန်သည်များနှင့် စစ်သားများ ကုလားအကြောင်း ဒဏ္ဍာရီများပါဝင်ကြသည်။ သို့သော်လည်း ထိုအကြောင်းအရာများမှာ အစစ်အမှန် သမိုင်းအထောက်အထားအဖြစ် မှတ်ယူ၍မရနိုင်ပေ။ သို့သော်လည်း ဗုဒ္ဒရ်မကာန်နှင့် ဒရ်ဂါအဆောက်အဦးများ စစ်တွေမှ မြိတ်မြို့ မြန်မာပြည် ကမ်းခြေတစ်လျှောက် နေရာများတွင် ရှိနေခြင်းကား အောက်မြန်မာပြည်နှင့် ရှေးခေတ်မွတ်စလင်တို့ ဆက်သွယ်မှုရှိခဲ့သည့်အကြောင်း အမှတ်ရစရာ သက်ရှိဖြစ်ရပ်ဇာတ်လမ်းများကို ထောက်ခံလျက်ရှိပါသည်။
        ဗုဒ္ဒရ်မကာန်ဆိုသော အခေါ်၏ မူရင်းမှာ ဗဒရ်မကာန်ဖြစ်သည်။ ဆာရစ်ချတ်၊ စီ တမ်ပဲလ်က ဗဒရ်ကို စစ်တကောင်းမြို့၏ ပီရ်ဗဒရ်ဟု တိတိကျကျဖော်ထုတ်ပြပြီး ဘဒ်ရုဒ္ဒီန် အောင်လီယာဟု ပို၍ ထင်ရှားကြောင်း ဆိုထားသည်။ ၎င်းအား မွတ်စလင် ရေကြီးရေလျှံမှုနတ်(ရှေးအာရပ်ရိုးရာ အလ်ခိဒရ်)နှင့် ဆက်စပ်ဖော်ပြထားသည်။ ဗဒရ်မကာန်တို့သည် ဗုဒ္ဓဘာသာဝင်များ ၊ ဟိန္ဒူဘာသာဝင်များ၊ မဟာမေဒင်များ၊ အိန္ဒိယ၊ မြန်မာ၊ တရုတ်ဌာနေလူမျိုးများ အားလုံးနှင့်ဆိုင်သော ဂူဗိမာန်များဖြစ်ကြသည်။ ဤသူတော်စင်တို့၏ ခေတ်ကာလသည် အေဒီ ၁၅ ရာစု၏ ပထမနှစ်ဝက်ဟု ဆိုသော်လည်း ဤနေရာများ၏ အစဉ်အလာမှာ ထိုထက်များစွာ စောသောကာလအထိ ရောက်ရှိလိမ့်မည်ဟု ယူဆရသည်။ ဒရ်ဂါဆိုသည်မှာ သံတွဲ၊ ပုသိမ်၊ သံလျင် စသည်တို့၌ ဘဒရုဒ္ဒင်အောင်လီယာမှအပ ဖြစ်သော မွတ်စလင် သူတော်စင်များဖြစ်ကြသည်ဟု ယေဘုယျယူဆကြသည်။ သို့သော်လည်း သူတို့အား ရိုသေကိုင်းရှိုင်းကြသော လူတို့သည် ယင်းတို့မှာ လွန်လေပြီးသောကာလက မွတ်စလင် သူတော်စင်များ၏ သင်္ချိုင်းအုတ်ဂူများဖြစ်ကြသည် ဆိုခြင်းမှလွဲ၍ ယင်းတို့၏ သမိုင်းကို မသိကြချေ ။
        မွတ်စလင်သည် အခြားတစ်ဖက်တွင် ယူနန်နယ်မှ တစ်ဆင့် မြန်မာပြည်နှင့် အဆက်အသွယ်ရှိခဲ့သည်။ တရုတ်ပြည်ထဲသို့ ပထမဦးဆုံး အစ္စလာမ်ဘာသာ ထိုးဖောက်ဝင်ရောက်လာမှုသည် မဟာပိုးလမ်းမကြီးဖြင့် ချန်ဂန်မြို့တော်သို့၊ အဘာဆစ် ခလီဖိတ်က စေလွှတ်သော သံအဖွဲ့များမတိုင်မီ ကာလကြာရှည်ကပင် ပင်လယ်ခရီးဖြင့်ရောက်ရှိလာခဲ့ခြင်းဖြစ်သည်။ အေဒီ ၈ ရာစုတွင် တရုတ်ပြည် ကုန်းတွင်းဒေသနှင့် ပင်လယ်ကမ်းခြေတစ်လျှောက်တွင် မွတ်စလင်အခြေချ နေထိုင်မှုများ ရှိခဲ့သည်။ အေဒီ ၇၅၈ ကပင် မွတ်စလင်ကုန်သည်တို့သည် ကန်တုန်မြို့တွင် လှုပ်လှုပ်ရွရွ အနေအထားရောက်အောင် ပြုလုပ်နိုင်သည့် အရေအတွက်အထိ ရှိခဲ့သည်။ တန်ခေတ် တရုတ်တို့သည် အာရပ်ကို "တာရှိ" ဟူသော အမည်ဖြင့် သိရှိခဲ့ကြသည်။ ဆွန်မင်းဆက်ခေတ်အကုန်တွင် တရုတ်ပြည် မွတ်စလင်လူဦးရေမှာ စီဂါလူမျိုးများ ဝင်ရောက်လာခြင်းကြောင့် ကြီးထွားလာခဲ့ပြီး မွတ်စလင်များကို အခြားနာမည်များအား စွန့်ပယ်ပြီး ဟွီဟူ(သို့မဟုတ်) ဟွီဟို နောက်ဆုံး ဟွီဟွီဟု တစ်ညီတည်း သတ်မှတ်ခေါ်ဝေါ်ခဲ့သည်။
        ၁၂၅၃ ခုနှစ်တွင် ကူဗလိုင်ခန်နှင့် စစ်သူကြီး ယူရီယန်ခါဒိုင်းတို့လက်အောက်တွင် မွန်ဂိုလူမျိုးတို့သည် မြန်မာပြည်နှင့် နီးသော ယူနန်ပြည်နယ်အနောက်ပိုင်းမြို့ တာလီကို သိမ်းပိုက်ခြင်းဖြင့် စစ်တောင်ပံကို ဖြန့်ခဲ့သည်။ နောင် ၅ နှစ်ကြာသောအခါ ယူရီယန်ခါဒိုင်းသည် ယူနန်နယ်ရှိ "တိုင်" လူမျိုးများနှင့် လူမျိုးနွယ်စုအားလုံးကို အောင်နိုင်ခဲ့သည်။ တန်ခေတ်ကာလကပင် မဟာမေဒင်ဘာသာလွှမ်းမိုးခံခဲ့ရသော ဗဟိုအာရှဒေသသို့ မှန်မှန် ဖြေးဖြေး တိုးဝင်ခဲ့မှုကြောင့် ပုံမှန်တိုးပွားများလျက်ရှိသော ယူနန်ပြည်နယ်၏ မွတ်စလင်လူဦးရေသည် မွန်ဂိုတို့သိမ်းလိုက်ခြင်းဖြင့် မွန်ဂိုစစ်တပ်တွင် ပါဝင်သော မွတ်စလင်စစ်သည်များနှင့် အရာရှိများကြောင့် တိုးတက်များပြားလာပြန်သည်။ ယူနန်နယ်ကို အုပ်ချုပ်သော ယွန် (မွန်ဂို) အုပ်ချုပ်ရေးအရာရှိအချို့မှာ ထင်ရှားသော မွတ်စလင်များ ဖြစ်ကြသည်။ ၁၂၇၄ မှ ၁၂၇၉ အတွင်း ယူနန်၏ ပြည်နယ်ကောင်စစ်ဝန်မှာ စိုင်တိန်ချိရှန်စုတင် ဖြစ်၍ သူ၏ မွတ်စလင်အမည်မှာ ရှမ်စွတ်ဒင်ဖြစ်သည်။ ဥာဏ်ပညာရှိ၍ ညှာတာထောက်ထားတတ်သော အုပ်ချုပ်ရေး အရာရှိတစ်ဦးဖြစ်သူ ဆအီးဒ်အဇလ်သည် ယူနန် ပြည်သူလူထုအား ငြိမ်သက်အေးချမ်း၍ နှစ်သိမ့်ကျေနပ်မှုရအောင် ဆောင်ရွက်ပေးခဲ့သည်။ သူ၏သား နာဆူလာတင် (နဆွီအွတ်ဒင်)သည် ၁၂၇၉ မှ ၁၂၈၅ ထိ ယူနန်ပြည်နယ်၏ လမ်းများကို အုပ်ချုပ်ရသော စစ်ဦးစီးမှူးဖြစ်ပြီး သူသည် ၁၂၇၇-၇၈တွင် မြန်မာပြည်အား ကျူးကျော်သော ပထမဆုံး မွန်ဂိုတပ်များကို ဦးဆောင် အမိန့်ပေးခဲ့သည်။ သူ၏ ညီ ဟူစိန်မှာ ၁၂၈၄ တွင် ပထမဆုံးခန့်အပ်ခံရသော သယ်ယူပို့ဆောင်ရေး မင်းကြီး ဖြစ်သည်။ သူ၏ ဦးဆောင်ဦးရွက်ပြုမှုဖြင့် ၁၃၀၁ တွင် ယွန်(မွန်ဂို)နန်းတော်သို့ မြန်မာပြည်က ဆင်ဖြူတော်တစ်စီးကို လက်ဆောင်ပဏ္ဏာအဖြစ် တင်သွင်းခွင့်ရခဲ့သည်။
        ၁၃ ရာစုအကုန်ပိုင်း ပုဂံမင်းဆက် ပျက်သုဉ်းရခြင်းအကြောင်းရင်းများအနက် အဓိက အကြောင်းတစ်ရပ်မှာ မွန်ဂိုတပ်များ သုံးကြိမ်သုံးလီ ဝင်ရောက်ကျူးကျော် တိုက်ခိုက်ခြင်းကြောင့် ဖြစ်သည်။ အစ္စလာမ်ဘာသာသည် ထိုမွန်ဂိုကျူးကျော်မှုများနှင့်အတူ ပါဝင်၍ မြန်မာပြည်ထဲသို့ ထိုးထောက်ဝင်ရောက်ခဲ့သည်။ မွန်ဂိုတပ်များ ကျူးကျော် ဝင်ရောက်မှုတစ်ရပ်အား မွတ်စလင်ဗိုလ်ချုပ်ကြီးတစ်ဦးက ကွပ်ကဲ အမိန့်ပေးခဲ့ပြီး မြန်မာပြည် မြောက်ပိုင်းတွင် မွန်ဂိုအုပ်ချုပ်ရေးကို ထူထောင်ပေးခဲ့သည်။
        သို့ဖြင့် ယူနန်မှတစ်ဆင့် မြန်မာပြည်နှင့် အစ္စလာမ်ဘာသာ ဆက်သွယ်မိခြင်းသည် စိုင်တိန်ချိနှင့် သူ့မိသားစုထိ နောက်ကြောင်းရှိသည်။ ဤဆက်သွယ်မှုများမှာ တိုတောင်းပြီး အကန့်အသတ်ရှိခဲ့ပုံရသည်။
        အရှေ့ဘင်္ဂလားနှင့် ရခိုင်ဒေသတို့ကို ဖြတ်၍ ကုန်းလမ်းခရီးဖြင့် မွတ်စလင်တို့၏ ဆက်သွယ်မှုများမှာ ရေရှည်တွင် ပို၍အရေးပါခဲ့သည်။ တကယ်တော့ ရခိုင်ပြည်သည် အစ္စလာမ်ဘာသာအတွက် ပိုပြီး အခိုင်အမာ ရှေ့တန်းနေရာဖြစ်ပြီး ထိုမှတစ်ဆင့် မြန်မာပြည်ဒေသ အားလုံးသို့ တဖြည်းဖြည်းနှင့် ငြိမ်းချမ်းစွာ အလင်းရောင်ဖြာဝေထွန်းလင်းပေးခဲ့သည်။
        ဘင်္ဂလားနယ်တွင် အစ္စလာမ်ဘာသာသည် ဂေါနယ်၏ မိုဟာမက် အုပ်စိုးစဉ်အတွင်း အေဒီ ၁၂၀၂ တွင် ဗြဟ္မပုတ္တရ မြစ်ကမ်းခြေဒေသများထိ ရောက်ရှိခဲ့ပြီး ဗုဒ္ဓဘာသာ၊ ရခိုင်နိုင်ငံသည် ယခင်က အေဒီ ၁၂၈၇ တွင် ပုဂံနိုင်ငံ ကျဆုံးပျက်စီးချိန်ထိ မိမိ၏ အာဏာပိုင်စိုးရေးအတွက် အရှေ့ပုဂံနိုင်ငံကိုသာ မျှော်ကြည့်ခဲ့သည်။ သို့သော် ၁၅ ရာစု ဆန်းချိန်တွင်ကား အခြေအနေ အချိန်အခါ၏ တွန်းအားကြောင့် အနောက်ဘက် ဘင်္ဂလား မွတ်စလင်ပြည်နယ်ဘက်သို့ ဦးလှည့်သည်။ (ဘင်္ဂလားသည် ထိုအခါက ဒေလီနှင့် သီးခြားကင်းလွတ်၍ အေဒီ ၁၃၃၆ တွင် ဖကားရ်အူဒင် မူဘာရတ်ရှားက စတင်တည်ထောင်ခဲ့ပြီး နောင် ၉ နှစ်ကြာသောအခါ ၁၃၄၅ တွင် ဟာဂျီရှမ်ရှုဒင်အီလီယားစ်ရှားက ဘင်္ဂလားပြည်နယ်တစ်ခုလုံးကို စူလတန်အုပ်ချုပ်သော နယ်အဖြစ် ထူထောင်ခဲ့သည်။ သို့သော်လည်း ဘင်္ဂလားနယ်အတွင်း ယင်းအပြောင်းအလဲအားလုံးက ဗုဒ္ဓဘာသာနိုင်ငံ ရခိုင်ပြည်သို့ မည်သည့် တိုက်ရိုက်အကျိုးသက်ရောက်မှုမျှ မရှိခဲ့ပေ။) ၁၃၆၄ တွင် မြန်မာပြည်၌ အင်းဝကို မြို့တော်ပြု၍ သစ်လွင်ပြီး ထိတ်လန့်ဖွယ်ရာ နိုင်ငံတစ်ခု ပေါ်ပေါက်လာသည်။ ထို အင်းဝနိုင်ငံက အေဒီ ၁၄၀၄ တွင် ရခိုင်ပြည်ကို တိုက်ခိုက်သည်။ ဘုရင်မင်းခေါင်၏ သားတော် မင်းရဲကျော်စွာက ရခိုင်ဘုရင် နရမိတ်လှအား တိုက်ထုတ်လိုက်သည်။ အင်းဝက ရခိုင်အပေါ် ဆင်နွှဲသော ဤတိုက်ခိုက်မှုသည် ရာစုတစ်ခုကြာမျှ (၁၄၃၀-၁၅၃၁)ရခိုင်ပြည်ကို မွတ်စလင်ကြီးစိုးလွှမ်းမိုးရေးအတွက် လမ်းခင်းပေးလိုက်သလို ဖြစ်ခဲ့ရသည်။
        နရမိတ်လှလည်း ဘင်္ဂလားသို့ထွက်ပြေးခဲ့ပြီး ဂေါဝါစူလ်တန်နန်းတော်တွင် ခိုလှုံခဲ့သည်။ သူသည် အေဒီ ၁၄၃၀ ထိ ပြည်ပြေးဘဝဖြင့် ရှိနေခဲ့ပြီး ထိုနှစ်တွင် စူလတန်၏ စစ်ရေးအကူအညီကို ယူ၍ ရခိုင်ပြည်ကို ပြန်လည်သိမ်းပိုက်ပြီး ဘုရင်အဖြစ် အုပ်စိုးနိုင်ခဲ့သည်။တော်သစ် မြောက်ဦးကိုလည်း တည်ထောင်ခဲ့သည်။ သူနှင့်အတူ မွတ်စလင်နောက်လိုက်များနှင့် စစ်သားများပါလာရာ သူတို့ကို မြို့တော်သစ်အနီးတွင် အခြေချနေထိုင်စေခဲ့သည်။ သူတို့သည် စန္ဒီခန်ဗလီကို ဆောက်လုပ်ခဲ့ကြသည်။ ထိုဗလီသည် ကဝါလောင်ရွာ၌ ယနေ့တိုင်တည်ရှိသည်။ ထိုကာလတွင် နရမိတ်လှသည်တစ်ချိန်က ရခိုင်မင်းတို့ ပိုင်စိုးခဲ့သော အနောက်ဘင်္ဂါ ၁၂ မြို့ကို မစိုးမိုးနိုင်ဘဲရှိခဲ့သည်။ နရမိတ်လှကို ဆက်ခံသော မင်းများသည်လည်း ပါဠိဘာသာဖြင့် ဘွဲ့အမည်များကို ခံယူကြရုံမက မွတ်စလင်ဘာသာ ဘွဲ့တံဆိပ်များကိုလည်း ခံယူခဲ့ကြသည်။ ရခိုင်ရာဇဝင်သစ်အရ ဤကဲ့သို့သော ဘင်္ဂလားစူလတန်ထံမှ ဘွဲ့တံဆိပ်များကို လက်ခံရရှိခဲ့သော ရခိုင်ဘုရင် ၉ ပါး ရှိခဲ့သည်။
         မင်းဘင်(၁၅၃၁-၅၃)လက်ထက်တွင်မှသာ စစ်တစ်ကောင်းကိုသိမ်းယူပြီး ဒါကာထိ တိုက်ခိုက်ဖျက်ဆီးခဲ့သည်။ မင်းဘင်နောက်ပိုင်း ဗုဒ္ဓဘာသာ ရခိုင်မင်းများ၊ ဘွဲ့တံဆိပ်များကို ဆက်လက်ခံယူခဲ့ကြသည်။ သို့သော် သူတို့အုပ်ချုပ်သော လက်အောက်ခံ နယ်များတွင် ကုလားဟုခေါ်သော မောင်းဂွတ်(မဂို)၊ ပထန်၊ ဆက်ခ်၊ မရူမ်၊ ဟိန္ဒူများနှင့် မူဆလမန်(မွတ်စလင်)များ ပါဝင်ကြ၍ မဟာမဂိုဘုရင်တို့၏ ဘွဲ့တံဆိပ်ကို အတုယူခြင်းမျှသာ ဖြစ်တော့သည်။
         ရခိုင်ဒေသအပေါ် အစ္စလာမ်ဘာသာ သြဇာရောက်မှုသည် လေးနက်သည်။ ဘုရင်များသည် မိမိတို့ကို စူလတန်များနှင့် စူလတန်များ အုပ်စိုးသော နိုင်ငံဟန်ပြုလုပ်ကြသည်။ မိမိတို့၏နန်းတော်ကို ဂေါဝါနှင့် ဒေလီပုံဖော်ကြသည်။ ဖရေးဆီဘက် စတီယန်မင်နရိစ်၏ ကိုယ်တွေ့မှတ်တမ်းအရ သီရိသုဓမ္မာဘုရင်အား နည်းပေးလမ်းပြ ပြုနေသူမှာ မွတ်စလင်တစ်ဦးဖြစ်ပြီး ဟာဂ်ျဘုရားဖူးနှစ်ကြိမ်သွားရောက်ဖူးသူဖြစ်သည်။ သူသည် ရခိုင်ထီးနန်း၌ အလွန်သြဇာကြီးပြီး ရခိုင်လူမျိုးတို့က သူ့ကို သူတော်စင်တစ်ဦးအဖြစ် အသိအမှတ်ပြုကြသည်။
         ရခိုင်ပြည်အပေါ် မွတ်စလင် ယဉ်ကျေးမှု ရိုက်ခတ်သက်ရောက်မှုသည် နောက်ဆက်ခံသော ဆယ်စုနှစ်များအတွင်း၌ ရခိုင်ဘုရင့်နိုင်ငံ၏ ဖွံ့ဖြိုးမှုနှင့် တိုးတက်မှုကို အရှိန်ရစေခဲ့သည်။ အုပ်ချုပ်ရေးဖက်တွင် တိုးတက်မှုများရှိသကဲ့သို့ လက်နက်ကိုင် တပ်ဖွဲ့တွင်လည်း တိုးတက်မှုရှိခဲ့သည်။ မဂိုအင်ပါရာရှင် ဟူမာယွန်ကိုယ်တိုင် ဂေါဝါကို ကျူးကျော်တိုက်ခိုက်ပြီးနောက် ဘင်္ဂလားနယ်သည် ကစဉ်ကလျားအခြေအနေ ဆိုက်ရောက်နေချိန်တွင် မင်းဘင်သည် သူ၏တပ်ဖွဲ့များဖြင့် ဘင်္ဂလားနယ်ထဲသို့ ချီတက်ဝင်ရောက်သွားပြီး စစ်တကောင်းမြို့ကို သိမ်းယူပြီးလျှင် ဘင်္ဂါ ၁၂ မြို့ကိုလည်း မြန်လည် သိမ်းပိုက်ခဲ့သည်။ ဘင်္ဂလားစူလ်တန်နိုင်ငံအား သူ၏ ဆန့်ကျင်ပုန်ကုန်မှုသည် အောင်မြင်မှုရရှိပြီး သူသိမ်းပိုက်ရရှိသောနယ်မြေများသည် အေဒီ ၁၆၆၆ အထိ ရခိုင်တို့အုပ်ချုပ်မှုအောက်၌ ဆက်လက်ရှိနေခဲ့သည်။ ၁၆၆၆ တွင်သာ ထိုနယ်များအား မဂိုအင်ပါယာလက်သို့ တဖန်လွှဲအပ်လိုက်ရသည်။
        ရခိုင်ပြည်သည် ဘင်္ဂလားနယ်နှင့် ဤကဲ့သို့ တိုး၍ ဆက်သွယ်မှုများ ပြုလုပ်လာခဲ့ရာ၌ ချစ်ကြည်ရင်းနှီးသော နည်းဖြင့်ဖြစ်စေ၊ ရန်စစ်ပြုသောနည်းဖြင့် ဖြစ်စေ ဤကဲ့သို့တိုး၍ ပြုလုပ်လာခြင်းကြောင့် ထိုဒေသမှသာမက အိန္ဒိယပြည်မြောက်ပိုင်းမှ မွတ်စလင်အများအပြားလည်း ရောက်ရှိလာကြသည်။ ယင်းတို့အနက် တချို့မှာ စစ်သုံ့ပန်းများ သို့မဟုတ် ဖမ်းဆီးခံရသော ကျွန်များ၊ ရခိုင်ဘုရင်များအထံ အမှုထမ်းဆောင်သော စွန့်စားရေးသမား ကြေးစားစစ်သည်များဖြစ်ကြသည်။ ဖရေးဆီဘက်စတီယန်မင်နရိစ်က သီရိသုဓမ္မာမင်း၏ နန်းတက်ပွဲအခမ်းအနားတွင် အိန္ဒိယပြည်မြောက်ပိုင်းမှ မွတ်စလင် စစ်သည်တပ်ဖွဲ့တစ်ဖွဲ့ တက်ရောက်ခဲ့ပုံကို ဖော်ပြခဲ့သည်။
        အမှန်အားဖြင့် ရခိုင်ပြည်သည် တောင်နှင့် အရှေ့ဘက်ရှိ တိုင်းပြည်များသို့ အစ္စလာမ်ဘာသာ ပြန့်ပွားရေးအတွက် တစ်ဖက်နယ်မြေ ခြေကုပ်စခန်းဖြစ်လာခဲ့သည်။ ဒတ်ခ်ျတို့နှင့် ကျွန်ကုန်ကူးမှုများလာသလောက် ဒတ်ခ်ျအရှေ့အိန္ဒိယ ကျွန်းများတွင် မွတ်စလင် လူဦးရေ တိုးပွားလာမှုကို အထောက်အကူပြုခဲ့သည်။ အကြောင်းမှာ ထိုဒေသ၌ အစ္စလာမ်ဘာသာသည် အခိုင်အမာ ခြေကုပ်ယူထားနှင့်ပြီးဖြစ်သည်။ အေဒီ ၁၅၉၉ ခုနှစ်တွင် ရခိုင်တို့ အောက်မြန်မာပြည်သို့စစ်ချီခဲ့ခြင်းကလည်း ထိုဒေသသို့ အစ္စလာမ်ယုံကြည်မှု ပြန့်ပွားရေးအတွက် တစ်နည်းတစ်လမ်းအားဖြင့် အကြောင်းတစ်ရပ်ဖြစ်ခဲ့သည်။
         အေဒီ ၁၆၆၀ တွင် ရှာရှူဂျာမင်းသား ရခိုင်ပြည်သို့ထွက်ပြေးခဲ့ရသည့် ကြေကွဲဖွယ်ရာဖြစ်ရပ်သည်လည်း မြန်မာပြည်နှင့် အစ္စလာမ်ဘာသာ ဆက်သွယ်မှုသမိုင်းတွင် အရေးကြီးသော အဖြစ်အပျက်တစ်ရပ်ဖြစ်ခဲ့သည်။ ထိုဖြစ်ရပ်မှာ မဂိုအင်ပါယာရှင် ရှာဂျဟန်၏ နောက်ဆုံးနေ့ရက်ကာလများအတွင်း ထီးန်းဆက်ခံရေးစစ် ဖြစ်ပွားကြရာမှ အကျိုးဆက်ဖြစ်သည်။ ရှာဂျဟန်၏ ဒုတိယသားတော် ရှာရှူဂျာသည် သြရန်ဇစ် ၏ စစ်ဗိုလ်ချုပ် မီးရ်ဂျူမလာနှင့် တိုက်ရာတွင် အရေးနိမ့်၍ ထီးနန်းဆက်ခံရေး ကြိုးပမ်းမှုကို စွန့်လွှတ်ခါ မိသားစုနှင့် နောက်လိုက်နောက်ပါ လူ ၅၀၀ နှင့်အတူ ရခိုင်ပြည်သို့ ထွက်ပြေးတိမ်းရှောင်လာခဲ့သည်။ ပထမတွင် ဘုရင် စန္ဒသုဓမ္မာ (၁၆၅၂ - ၈၄ )က ပျူပျူငှာငှာ ခရီးဦးကြိုပြုပြီး မက္ကာသို့သွားမည့် ခရီးအတွက် သင်္ဘောများ ကူညီပေးမည်ဟုပင် ကတိပြုခဲ့သည်။ သို့သော်လည်း ချစ်ကြည်မှုသည် ကြာရှည်မတည်မြဲခဲ့ပေ။ ရှာရှူဂျာ နောက် လိုက်လာသော မီးရ်ဂျူမလာက မင်းသားနှင့် သူ၏ မိသားစုကို ပေးအပ်ရန် တောင်းဆိုလျက်ရှိပြီး ရခိုင်ပြည်ကို မဂိုတို့ ကျူးကျော်တိုက်ခိုက်လာမည်ကို စိုးရိမ်ထိတ်လန့်မှုမှာလည်း ယေဘုယျဖြစ်ပေါ်လျက်ရှိသည်။ တစ်ချိန်တည်းတွင် ရခိုင်ဘုရင်က ဒုက္ခသည် မင်းသားယူဆောင်လာခဲ့သော ချမ်းသာကြွယ်ဝသည့် ရတနာများကို လိုချင်တပ်မက် ဇောဖြစ်လာဟန်ရှိသည်။ ထိုအတွင်း ရခိုင်ဘုရင်က ရှူဂျာ၏ သမီးတော်တစ်ပါးအား လက်ဆက်ခွင့်တောင်းခံလာသောအခါ နောက်ဆုံးရင်းနှီးချစ်ကြည်မှု ဆက်ဆံရေးကြိုးမျှဉ်သည် ပြတ်တောက်သွားခဲ့ရသည်။ ထိုတောင်းဆိုချက်ကို မောက်မာစွာငြင်းပယ်လိုက်ပြီးနောက် ရှာရှူဂျာနှင့် နောက်လိုက်တို့သည် သည်းခံနိုင်ဖွယ်ရာ မရှိသောအခြေအနေမှ ထွက်ပေါက်ရရေးအတွက် သွေးရူးသွေးတမ်း ကြိုးပမ်းခဲ့ကြသည်။ ဒေသခံမွတ်စလင်များနှင့် ပူးပေါင်း၍ ဘုရင်ကို ဖြုတ်ချပြီး ထီးနန်းကိုသိမ်းပိုက်ရန် ကြိုးပမ်းခဲ့ကြသည်။ သို့သော် ထိုကြိုးပမ်းမှုမှာ မအောင်မြင်ခဲ့ပါ။ ၁၆၆၁ တွင် ဘုရင်၏ တပ်များက ရှာရှူဂျာ၏ အိမ်တော်ကို တိုက်ခိုက်၍ သူနှင့် သူ့သားများ တောတောင်များထဲသို့ ထွက်ပြေးကြသော်လည်း နောက်ပိုင်းတွင် ဖမ်းဆီးခံခဲ့ကြရသည်ဟု ဆိုသည်။ ရခိုင်ဘုရင်က ရှာရှူဂျာကို ကွပ်မျက်ပြီး သားများကို အကျဉ်းချထားပြီးနောက် လွှတ်ပေးခဲ့သည်။ ၁၆၆၃ တွင် တစ်ကြိမ် ထပ်မံ၍ ဘုရင်ကို လုပ်ကြံဖို့ကြိုးပမ်းမှု ဖြစ်ပွားပြန်သည်။ ဤတစ်ကြိမ်တွင်လည်း အောင်မြင်မှုမရဘဲ မွတ်စလင်နှင့် ဘင်္ဂါလီအများအပြား သတ်ဖြတ်ခံကြရသည်ဟု ဆိုသည်။ ကျန်လူများကို သစ္စာရေတိုက်၍ ဘုရင့်လေးသည်တော်များအဖြစ် အမှုထမ်းစေခဲ့သည်။ သူတို့ကို ကမန်ဟု ခေါ်တွင်သည်။
        ၁၆၆၆ တွင် မဂိုဘုရင်တပ်များ ဘင်္ဂလားနယ်စား ရှာယစ်တာခန် ခေါင်းဆောင်၍ ရခိုင်တို့ကို စစ်တကောင်း၊ ရာမူးနှင့် အရှေ့ ဘင်္ဂလားနယ်တို့မှ တိုက်ထုတ်ခဲ့သည်။ ဤတွင် အရှေ့ဘင်္ဂလားနယ်အပေါ် ရခိုင်တို့၏ တန်ခိုးသြဇာ နိဋ္ဌိတံခဲ့သည်။ ၁၆၈၄ တွင် ဘုရင် စန္ဒသုဓမ္မာ ကွယ်လွန်အနိစ္စရောက်ခြင်းနှင့်အတူ ပြည်တွင်း မငြိမ်မသက်မှုများအကြားတွင် ကမန်များဖြင့်ဖွဲ့စည်းထားသော နန်းတော်စောင့် လေးသည်တော် တပ်ဖွဲ့တန်ခိုးကြီးလာခဲ့သည်။ ရှာရှူဂျာမင်းသား၏ နောက်လိုက်များမှ မသေဘဲ ရှင်ကျန်ခဲ့သူများဖြင့် စတင်ဖွဲ့စည်းခဲ့သော ထိုတပ်ဖွဲ့သည် နောက်ပိုင်းတွင် အိန္ဒိယမှ ထပ်မံရောက်ရှိလာသော စစ်သားများ၊ စားသူများနှင့် ထပ်မံပူးပေါင်းအားဖြည့်ခြင်းဖြင့် အင်အားကြီးလာခဲ့သည်။ သူတို့သည် ၁၆၈၄ မှ ၁၇၁၀ ကာလအတွင်း ဘုရင်ကိုပင် ဖြုတ်နိုင်ခန့်နိုင်လောက်အောင် တန်ခိုးသြဇာကြီးခဲ့သည်။ ဤအခြေအနေများက အရှေ့ဘက်နှင့် တောင်ဘက်ဒေသများဖြစ်သော ကျောက်ဖြူ ၊ သံတွဲခရိုင်များ၊ ထိုမှတစ်ဆင့် မြန်မာပြည်အလယ်ပိုင်းသို့ မွတ်စလင်များ နောက်ထပ်ရွှေ့ပြောင်းနေထိုင်ရေးကို ဖြစ်စေခဲ့သည်။ ထိုသူတို့အနက် အချို့မှာ အင်းဝကို အုပ်စိုးသော မြန်မာဘုရင်၏ ရခိုင်ပြည် စစ်ဆင်ရေးအတွင်း ဖမ်းဆီးခံရပြီး စစ်သုံ့ပန်းများအဖြစ် မြန်မာပြည်အလယ်ပိုင်းသို့ခေါ်ဆောင်သွားခြင်းခံရသူများဖြစ်သည်။ ထိုထက်ပိုပြီး ရဲရင့်စွန့်စားသူများမှာ မြန်မာပြည်အလယ်ပိုင်းသို့သွားရာ ခရီးလမ်းကို ရှာဖွေသွားရောက်ပြီး အင်းဝဘုရင်ထံ အမှုထမ်းခဲ့သူများဖြစ်သည်။ မြန်မာပြည် အလယ်ပိုင်း ဧရာဝတီလွင်ပြင် ဒေသသို့ အစ္စလာမ်ဘာသာ ကုန်းတွင်းရွှေ့ပြောင်းသွားမှုကို သီးခြား သဘောထားသင့်သည်။ သို့မှသာ ပင်လယ်ပြင်မှတစ်ဆင့် အောက်မြန်မာပြည်သို့ ရောက်လာခြင်းနှင့်အတူ စဉ်းစားနိုင်မည်ဖြစ်သည်။
        ၁၈ ရာစု အစပိုင်းလောက်အထိ နောက်ကျစွာပင် မွတ်စလင်တို့သည် တေလ်ဂူများ၊ အာမေနီယန်များနှင့်အတူ သန်လျင်ဆိပ်ကမ်းမြို့၌ ပုဂ္ဂလိက ကုန်သည်များအဖြစ် အများအပြားရောင်းဝယ်ဖောက်ကားနေခဲ့ကြသည်။ အင်္ဂလိပ် အရှေ့အိန္ဒိယကုမ္ပဏီ စိန့်ဂျော့ခံတပ်(Fort St. George)မှတ်တမ်းများတွင် ဖော်ပြထားချက်အရ သူတို့သည် သင်္ဘောများ တည်ဆောင်ရေးလုပ်ငန်းတွင် ပါဝင်ခဲ့ကြသည်။ သူတို့သည် Friendship ခေါ် အင်္ဂလိပ်သင်္ဘောကိုပင် ဖမ်းဆီး၍ အင်္ဂလိပ်တို့ကို မလေးမခန့်ပြုခဲ့ကြသည်။ အီလာဟီနှင့် ဆလာမတ်ခေါ် အစ္စလာမ် အမည်ရှိ သင်္ဘောနှစ်စင်းမှာ အင်းဝ ဘုရင် စနေမင်း(၁၆၉၀-၁၇၁၄)ပိုင်များဖြစ်ပြီး စိန်ဂျော့ခံတပ် (Fort St. George)တွင် ခေတ္တဝင်ရောက်ဆိုက်ကပ်ခဲ့သည်ဟု မှတ်တမ်းတင်ထားသည်။ ယင်းသင်္ဘောများမှာ သန်လျင်တွင် အာရပ်သင်္ဘောတည်ဆောက်သူများ တည်ဆောက်ခဲ့သော သင်္ဘောများ ဖြစ်ဖွယ်ရာရှိပေသည်။ စနေမင်းသည် ရေကြောင်းကုန်သွယ်ရေးလုပ်ငန်း၏ အရေးကြီးသောအပိုင်းကို ရယူထားခဲ့ကြောင်း ထင်ရှားပေသည်။
ဤမင်းလက်ထက်တွင် အင်းဝနန်းတော်နှင့် မဂိုတို့၏ မွတ်စလင်နန်းတော်တို့အကြား သံတမန်ဆက်သွယ်မှုရှိခဲ့ကြောင်း အဆိုပါအင်္ဂလိပ်မှတ်တမ်းတွင် ဖော်ပြထားသည်။ အေဒီ ၁၇၀၆ တွင် မြန်မာသံအဖွဲ့တစ်ခုကို အင်ပါယာရှင် သြရန်ဇစ်ထံ စေလွှတ်ခဲ့သည်။ ၁၇၁၁ တွင် အင်ပါယာရှင် ရှားအလာမ်က စနေမင်းထံ လက်ဆောင်အဖြစ် ဂုဏ်ထူးဆောင် ဝတ်ရုံတစ်ခုကို ပေးပို့ခဲ့သည်။ အပြန်အလှန်အားဖြင့် မြန်မာဘုရင်က မစ်ရှင်အဖွဲ့တစ်ခုကို ဆင် ၁၂ ကောင်နှင့်အတူ လက်ဆောင်ပါးရန် မဂိုနန်းတော်သို့ စေလွှတ်ခဲ့သည်။ နောက်နှစ်တွင်လည်း မြန်မာက သံအဖွဲ့တစ်ခုစေလွှတ်ခဲ့သေးသည်။ ဒုတိယသံအဖွဲ့သည် စနေမင်းပိုင် အီလာဟီသင်္ဘောဖြင့် ဘင်္ဂလားသို့ ထွက်ခွါသွားရောက်ခွင့်ရခဲ့သည်ဟု မှတ်တမ်းတွင်ဖော်ပြသည်။
မဂိုနန်းတော်နှင့် မြန်မာတို့၏ သံတမန်ဆက်ဆံရေး၊ သန်လျင်နှင့် ပဲခူးဆိပ်ကမ်းမြို့များတွင် မွတ်စလင်ကုန်သည်များ ဆက်တိုက်ရောက်ရှိနေခြင်းအပြင် အင်္ဂလိပ်တို့ကို အာခံနိုင်လောက်သော အာရပ် သင်္ဘောတည်ဆောက်သူများ ရှိနေခြင်းတို့သည် ထိုအခါက မြန်မာပြည်၏ ကုန်သွယ်ရေးနှင့် သင်္ဘောလုပ်ငန်းတွင် မွတ်စလင်တို့ ထင်ရှားအရေးပါ၍ သြဇာရှိကြောင်း ထင်ရှားစေသော အချက်များဖြစ်သည်။ ဒေသနယ်ပယ်အတွင်း နိုင်ငံရေးအပြောင်းအလဲများက အဆက်ပြတ်တောက်မသွားသောသူတို့၏ လုပ်ငန်းများအပေါ် သက်ရောက်မှု ရှိပုံမပေါ်ခဲ့ပေ။
စောစောပိုင်း ၁၆ ရာစု အလယ်လောက်တွင် အောက်မြန်မာပြည် ပဲခူးနှင့် အခြားနေရာများတွင် ပြည်ပမှ မွတ်စလင်များ ရောက်ရှိနေထိုင်ခဲ့ကြသည့်အကြောင်း မှတ်တမ်းများကဆိုသည်။ ဘုရင့်နောင်(၁၅၅၁-၈၁)က ဘာသာရေးပြုပြင်မှုများ ပြုလုပ်မှုကြောင့် အီဒွလ်အသွဟာ ပွဲတော်နှင့် ဆက်စပ်၍ တိရစ္ဆာန်တို့ကို သတ်ဖြတ်မှုအား ရပ်ဆိုင်းခဲ့ရသည်။ သန်လျင်မြို့ရှိ ဒီဘရစ်တိုအား ကူညီရန် နောက်ကျရောက်လာသော ပေါ်တူဂီသင်္ဘောများတွင် ပါရှိခဲ့သော မွတ်စလင်သင်္ဘောများကို အနောက်ဘက်လွန်မင်းက ၁၆၁၃ တွင် သန်လျင်ကို သိမ်းယူပြီးနောက် ပေါ်တူဂီသုံ့ပန်းများနှင့်အတူ အထက်မြန်မာပြည်သို့ ပို့၍ ဧရာဝတီနှင့် ချင်းတွင်းမြစ်နှစ်သွယ်ကြားဒေသများတွင် နေရာချပေးခဲ့သည်။ ထိုမင်းသည်၁၆၁၅ တွင် ရခိုင်ပိုင်ဟုဆိုသော အုန်းကျွန်းနှင့် အရဲကနက်ကျွန်းများအရေး အငြင်းပွားမှုကို ဖြေရှင်းရန် သံတွဲကို ချီတက်တိုက်ခိုက်ခဲ့သည်။ ထို စစ်ဆေးရေးအပြီးတွင် သုံ့ပန်းအများအပြားကို ဖမ်းဆီးခေါ်ဆောင်လာပြီး မြန်မာပြည်အလယ်ပိုင်းတွင် နေရာချထားခဲ့သည်။ မှတ်တမ်းတစ်ခုအရလည်း စနေမင်း လက်ထက်တွင် အခြေချနေထိုင်မှု ၃၇ မှု ထူထောင်ပေးခဲ့သော စာရင်းတစ်ခု ဖော်ပြထားသည်။ ထိုအနက် ၁၂ ခုမှာ မွတ်စလင်အခြေချ နေထိုင်မှုများဖြစ်ပြီး တောင်ငူ၊ ရမည်းသင်း၊ ညောင်ရမ်း၊ ယင်းတော်၊ မိတ္ထီလာ၊ ပင်းတလဲ၊ တဘက်ဆွဲ၊ ဗောဓိ၊ စည်သာ၊ စည်ပုတ္တရာ၊ မြေဒူးနှင့် ဒီပဲယင်းတို့ ပါဝင်ကြသည်။ အခြား ၁၇၈၃ ခုနှစ် မှတ်တမ်းတစ်ခုတွင် ရခိုင်ပြည်မှ ရွှေ့ပြောင်းလာသူမွတ်စလင် ၃၀၀၀ တို့ကို ဘုရင့်စစ်မှုထမ်းများအဖြစ် နေရာချထားပေးခဲ့သည်ဟု ဆိုသည်။ ယင်း ရွှေ့ပြောင်းဝင်ရောက်လာသူမွတ်စလင် ၃၀၀၀၏ အစဉ်အလသည် ယနေ့ထိအောင်ပင် အထက်မြန်မာပြည် မွတ်စလင်များအရေးနှင့်အတူ ပြန့်နှံ့လျက်ရှိသည်။
   အစ္စလာမ်ဘာသာရောက်ရှိ ထိခတ်လာမှုကြောင့် မြန်မာပြည်အပေါ် မည်သည့် အကျိုးသက်ရောက်မှုများကို ဖြစ်စေခဲ့ပါသနည်း။ အစ္စလာမ်ဘာသာနှင့် ခေတ်ကာလကြာမြင့်စွာ ဤဆက်သွယ်မှုသည် မြင်တွေ့ခဲ့ရသည့်အတိုင်းပင် ဘင်္ဂလားပင်လယ်အော်၏ ထပ်၌ တည်ရှိသော အင်မားကြီးမားသည့် ရခိုင်နိုင်ငံ၏ တိုးတက်ထွန်းကားမှုနှင့် ကျဆုံးပျက်စီးမှုတွင် အရေးကြီးသောအခန်းမှ ပါဝင်ခဲ့သည်။ မြန်မာပြည်အလယ်ပိုင်း လွင်ပြင်ဒေသများ၌ အထောက်အထားအရင်းအမြစ်ပစ္စည်း အများအပြားရှိထားသည်ကား ဤမွတ်စလင်အခြေချ နေထိုင်ခဲ့ကြသူများနှင့် သူတို့မှ ဆင်းသက်သူများသည် ၁၈၈၆ တွင် အထက်မြန်မာပြည်အား ဗြိတိသျှတို့ သိမ်းပိုက်ချိန်အထိ ရာစုနှစ် နှစ်စုနီးပါးကြာအောင် မြန်မာရှင်ဘုရင်များ၏ လက်နက်ကိုင် တပ်ဖွဲ့များတွင် အရေးကြီး၍ လိုလည်း လိုအပ်သော အစိတ်အပိုင်းများအဖြစ် ဖွဲ့စည်းပါဝင်လျက် လူ့အဖွဲ့အစည်းနှင့် နိုင်ငံတော်၏ အသုံးဝင်သော အဖွဲ့ဝင်များဖြစ်ခဲ့ကြသည်ဆိုသောအချက်ကို ထင်ရှားသက်သေပြုလျက် ရှိကြသည်။ သူတို့အများအပြားသည် အုပ်ချုပ်ရေး လုပ်ငန်းများတွင် ပါဝင်အမှုထမ်းဆောင်ခဲ့ကြပြီး အချို့မှာ အဆင့်မြင့် ဂုဏ်ထူးဆောင် ရာထူးကြီးများအထိ တိုးမြှင့်ခန့်ထားခံခဲ့ကြရသည်။
အချိန်၏ စီးကြောင်းတစ်လျှောက်၌ သူတို့မှ ဆင်းသက်သူတို့သည် မြန်မာလူမျိုးများအဖြစ် လုံးလုံးလျားလျား နိုင်ငံသားဖြစ်ခဲ့ကြပြီဖြစ်ပါသည်။ သူတို့နှင့်အတူပါလာခဲ့သော အစ္စလာမ်ယဉ်ကျေးမှုသည် ၎င်း၏ အခြေခံ၌ပင် အိန္ဒိယ ယဉ်ကျေးမှုနှင့်အတူ ၎င်းတို့ကို မွေးစားခဲ့သော တိုင်းပြည်၏ ယဉ်ကျေးမှုနှင့် တဖြည်းဖြည်း ရောနှောပေါင်းစပ်သွားခဲ့သည်။ အချိန်ကာလ တစ်လျှောက်တွင် ထိုသူတို့အနက် တချို့မှာ မြန်မာဘာသာစကားနှင့် စာရေးခြင်း၌ ကျွမ်းကျင် တတ်မြောက်ခဲ့ကြပြီး မြန်မာစာပေ ဖွံ့ဖြိုးတိုးတက်မှု၌ သူတို့ကိုယ်ပိုင် နည်းလမ်းဖြင့် ပါဝင်အကျိုးပြုခဲ့ကြသည်။ ကုန်းဘောင်မင်းဆက် ဘိုးတော်ဘုရား (၁၇၈၂-၁၈၁၉) လက်ထက်တွင် အမှုထမ်းခဲ့သော ဦးနုသည် အစ္စလာမ်ဘာသာကို မြန်မာဘာသာဖြင့် သင်ကြားခြင်းနှင့် အစ္စလာမ်ဘာသာနှင့် ပတ်သက်သော အမြင်အမျိုးမျိုး စာအုပ်အများအပြားကို ရေးသားခဲ့သည်။ သူ၏ စာပေများမှာ ယနေ့ထိပင် မြန်မာပြည်ရှိ မွတ်စလင်များအတွက် ဘာသာရေးလက်စွဲစာအုပ်များ ဖြစ်လျက်ရှိသည်။ အခြား ၁၉ ရာစု မွတ်စလင်ကဗျာဆရာတစ်ဦးမှာ ဟာဂျီမှန် ဖြစ်ပြီး သူ၏ ဖခင်မှာ အင်းဝဘုရင်ခံဖြစ်သည်။
   မြန်မာပြည်သည် အစ္စလာမ်ဘာသာနှင့် ခေတ်ကာလရှည်ကြာစွာ ဆက်သွယ်မိလာခြင်းကြောင့် အာရဗီနှင့် ပါရှန်း ဝေါဟာရများ အထူးသဖြင့် ကူးသန်းရောင်းဝယ်ရေးနှင့် ရေကြောင်းသွားလာရေးဆိုင်ရာ စကားလုံးများသည် မြန်မာစာပေ ဝေါဟာရ စကားစုထဲသို့ ဝင်ရောက်လာခဲ့သည်။ ဥပမာ ကတ္တရာ၊ ကတ္တီပါ၊ ကရဝေး၊ ကလောင်၊ အရက်၊ အလံ၊ စပျစ်၊ သရဖူ၊ ခါလာဆီ၊ မာလိန် - စသောစကားလုံးများမှာ အာရဗီဘာသာ ဝေါဟာရတချို့ဖြစ်သည်။
မြန်မာပြည်သို့ အစ္စလာမ်ဘာသာ ရောက်ရှိလာခြင်းကြောင့် အာရဗီဘာသာနှင့် ပါရှန်းဘာသာများဖြင့် ကျော်ထွင်းစာများလည်း ကျန်ရှိခဲ့သည်။ မြောက်ဦးမင်းဆက် မင်းများလက်ထက်က ဒင်္ဂါးများတွင် မွတ်စလင်မ်ဘွဲ့တံဆိပ်များပါရှိသည်။ တချို့တွင် အစ္စလာမ်ယုံကြည်မှုကို အာရဗီဘာသာဖြင့် " သူ၏ နိုင်ငံအား အလ္လာဟ်အရှင်မြတ်သည် ထာဝရ တည်မြဲပါစေ " ဟု အဓိပ္ပါယ်ဆောင်သော ဆုတောင်းစကားပါရှိသည်။ အခြားအာရဗီဘာသာကျောက်ထွင်းစာတစ်ခုမှာ သန်လျင်ရှိ ပေါ်တော်မူဗလီဝင်းအတွင်း၌ တွေ့ရှိခဲ့ရခြင်းဖြစ်သည်။ ယင်းတွေ့ရှိချက်များက မွတ်စလင်တို့ မြန်မာပြည်သို့ ရောက်လာပုံအကြောင်းနှင့်ပတ်သက်၍ အထောက်အထားများအဖြစ် အသိပညာ အလင်းရောင်ကို တိုးပွားရရှိစေခဲ့သည်။ ။
*********************************

မူရင်း - The Coming of Islam to Burma down to 1700 A.D,

by BA SHIN

ဘရှင်

(မြန်မာနိုင်ငံသမိုင်းကော်မရှင်)

ဘာသာပြန်-ကျော်သက်ဟန်

Sunday, January 25, 2015

အစ္စလာမ်သာသနာရေးရာကောင်စီ နှစ်(၆၀)ပြည့်နှင့် ဇေယျကျော်ထင် ဗိုလ်မှူးကြီး ဘရှင် ရာပြည့်အထိမ်းအမှတ် အခမ်းအနား - ဦးအေးကြူ၏ အခန်းအနားမိန့်ခွန်း

မန္တလေးတိုင်းဒေသကြီး အစ္စလာမ်သာသနာရေးရာ ကောင်စီဥက္ကဋ္ဌ ဦးအေးကြူ၏ ဇေယျကျော်ထင် ဗိုလ်မှူးကြီးဘရှင် ရာပြည့် အခန်းအနားမိန့်ခွန်း

လေးစားအပ်ပါသော အစ္စလာမ်သာသနာ့ရေးရာ ကောင်စီဌာနချုပ် ခေါင်းဆောင်ကြီးများနှင့် အစ္စလာမ် ကောင်စီဝင်များ ၊ ဧည့်သည်တော်များခင်ဗျာ ၊ အခုလို ကျက်သရေမင်္ဂလာအပေါင်းနှင့် ပြည့်စုံလှတဲ့ အခန်းအနားတစ်ရပ် ကျင်းပခွင့်ရရှိတဲ့အတွက် အောလ္လာဟို့အရှင်မြတ်ရဲ့ ဂုဏ်ကျေးဇူးတော်ကို သတိရတသမိပါကြောင်း ဦးစွာပထမ ပြောကြားလိုပါတယ်။

ဒီကနေ့ အခန်းအနားသို့ တက်ရောက်လာကြတဲ့၊ လူကြီးမင်းများအပေါ်သို့လည်း၊ငြိမ်းချမ်းသာယာမှုအပေါင်းကျရောက်ပါစေလို့! ဆုတောင်းမေတ္တာပို့သအပ်ပါတယ်။

လူကြီးမင်းများခင်ဗျာ

ဒီနေ့အခန်းအနားဟာ အစ္စလာမ်သာသနာ့ရေးရာ ကောင်စီအဖွဲ့ကြီးရဲ့ နှစ်ခြောက်ဆယ်ပြည့် အခမ်းအနားနှင့် အစ္စလာမ်ကောင်စီအဖွဲ့ကြီးအပေါ်စွမ်းစွမ်းတမန် ဆောင်ရွက်ခဲ့သလို ဖက်ဆစ်တော်လှန်ရေးနှင့် နိုင်ငံတော်သမိုင်းကော်မရှင်တို့မှာ ကြိုးစားဆောင်ရွက်ခဲ့တဲ့ အငြိမ်းစား ဗိုလ်မှူးကြီးဘရှင်ရဲ့ နှစ်တစ်ရာပြည့် မွေးနေ့အခမ်းအနား ပူးတွဲကျင်းပတာဖြစ်ပါတယ်။ ဒါပေသော်လည်း ကျွန်တော့်အနေနှင့် ဒီကနေ့ အခမ်းအနားမှာ တမျိုးသားလုံးအပေါ် အစ္စလာမ်သာသနာ့ရေးရာ ကောင်စီအဖွဲ့ကြီးရဲ့ သမိုင်းပေးတာဝန်အဖြစ်ထမ်းဆောင်သွားရမဲ့တန်ဖိုးများ တင်ပြသွားပါမယ်။

လူကြီးမင်းများခင်ဗျာ

ရခိုင်ပြည်နယ်မှအပ တပြည်လုံးမှာရှိနေကြတဲ့ အစ္စလာမ်ဘာသာဝင်အားလုံးတို့ရဲ့ ၈၀% (ရှစ်ဆယ်ရာခိုင်နှုန်း)ဟာ အတိတ်သမိုင်း ကနဦး ပသီဘိုးဘွားများမှ ခေတ်အဆက်ဆက် ဆင်းသက်ပေါက်ဖွားလာခဲ့ကြတဲ့ ပသီအမျိုးသားများဖြစ်ကြတယ်ဆိုတာကို ကျွန်တော်တို့ ကောင်းမွန်စွာ သိရှိထားဖို့လိုပါတယ်။ ဒါကြောင့် ပသီအမျိုးသားများအဖြစ် သဘောတရားက ပြဋ္ဌာန်းပေးခဲ့တဲ့ လူ့အစုအဝေးဆိုင်ရာ အမျိုးသားရေးတန်ဖိုးများပေါ်ပေါက်လာပုံကို တင်ပြသွားပါ့မယ်။

လူကြီးမင်းများခင်ဗျာ

အတိတ်ပသီဘိုးဘွားများ အမိမြန်မာနိုင်ငံတော်ရဲ့မြေမှာ ကာလကြာမြင့်စွာ တုတ်နှောင်မိခဲ့ရတဲ့သဘာဝကြောင့် ရရှိလာတဲ့ (၁) ဘူမိဇာတိ ယဉ်ကျေးမှုများ ၊ (၂) မျိုးနွယ်စုများ နိုင်ငံတော်အခြေပြုပေါင်းစည်းတုတ်နှောင်မိတဲ့ သဘာဝကြောင့်ရရှိလာတဲ့ ယဉ်ကျေးမှုများ (၃) ယုံကြည်ကိုးကွယ်မှုကြောင့်ရရှိလာတဲ့ ယဉ်ကျေးမှုများ စတဲ့ ပသီအမျိုးသားကိုယ်ပိုင် ယဉ်ကျေးမှုများ ပေါ်ပေါက်ခဲ့ပါတယ်။ အဲဒီလို ပသီအမျိုးသားကိုယ်ပိုင် ယဉ်ကျေးမှုများနှင့်အတူ အတိတ်ဘိုးဘွားများ ကျွန်တော်တို့တမျိုးသားလုံးအား မွေးဖွားသန့်စင်ပေးခဲ့တာကြောင့် အတိတ်ခေတ်အဆက်ဆက်မှ မျက်မှောက်တိုင် တူညီတဲ့ယဉ်ကျေးမှုအားဖြင့် တူညီစွာ ထုတ်ဖော်ပြသတဲ့ စိတ်နေစိတ်ထားများ တပေါင်းတစည်းတည်းရှိနေကြသလို၊ နမိတ်တူ၊ ဘဝတူ၊ ကံကြမ္မာတူ၊ သာသနာတူ ပသီအမျိုးသား လူအစုအဝေးတစ်ရပ်အဖြစ် ဒီကနေ့ တိုင်းနိုင်ငံတော်နှင့်အတူ ရပ်တည်နိုင်ခဲ့တာဟာလဲ ပသီအမျိုးသားယဉ်ကျေးမှုများ နိုင်ငံတော်အခြေပြု ပေါ်ပေါက်ခဲ့တာကြောင့်ပင် ဖြစ်ပါတယ်။

လူကြီးမင်းများခင်ဗျာ

ကျွန်တော်တို့တမျိုးသားလုံး အတိတ်ခေတ် အဆက်ဆက် နိုင်ငံတော်အပေါ်မှာ သစ္စာစောင့်သိ ချစ်မြတ်နိုးခြင်း နိုင်ငံတော်အတွက် ကာကွယ်ခုခံတိုက်ခိုက်ရာမှာ ပါဝင်ဆောင်ရွက်နိုင်ခဲ့ခြင်း နိုင်ငံတော် တည်ဆောက်ရတဲ့ ကာလတိုင်းမှာ ပါဝင်ဆောင်ရွက်ခဲ့ခြင်း စတဲ့တန်ဖိုးများကို မြန်မာ့သမိုင်းမှာ မော်ကွန်းတင်ဂုဏ်ပြုထားပါတယ်။

အဲ့ဒီလို တိုင်းပြည်နှင့်လူမျိုးအပေါ် သစ္စာစောင့်သိချစ်မြတ်နိုးခြင်း တာဝန်ကျေပြွန်ခဲ့ခြင်း စတဲ့ တန်ဖိုးများ ကျင့်သုံးနိုင်ခဲ့တဲ့ အကြောင်းရင်းဇစ်မြစ်ဟာ နိုင်ငံတော်အခြေပြု ပသီအမျိုးသားယဉ်ကျေးမှုများရဲ့ စေ့ဆော်မှုကြောင့်ပဲဖြစ်ပါတယ်။

ဒါတင်မက နိုင်ငံတော် ရေမြေသဘာဝ ယဉ်ကျေးမှုအသွင်ဖြင့် မွတ်စလင်ပီသခဲ့ခြင်း တိုင်းရင်းသား ပီသခဲ့ခြင်း တစ်မျိုးသားလုံး ဂုဏ်သိက္ခာရှိစွာဖြင့် ရပ်တည်နိုင်ခဲ့ခြင်း နှစ်ဘဝကောင်းစားရေးကို ဆောင်ရွက်နိုင်ခဲ့ခြင်း၊ လူမျိုးပေါင်းစုံ ဘာသာပေါင်းစုံကြားမှာ အပြန်အလှန် ယုံကြည်လေးစားမှုနှင့်အတူ နိုင်ငံတော်နှင့် လိုက်လျောညီထွေ ရပ်တည်နိုင်ခဲ့ခြင်း စတဲ့ တန်ဖိုးများ ပေါ်ပေါက်လာအောင် ဆောင်ရွက်နိုင်တဲ့ အကြောင်းရင်းဟာလည်း နိုင်ငံတော်အပေါ် အခြေပြုထားတဲ့ ကျွန်တော်တို့အမျိုးသား ယဉ်ကျေးမှုများရဲ့ စေ့ဆော်မှုကြောင့်ပင်ဖြစ်ပါတယ်။

အစ္စလာမ်ကောင်စီအဖွဲ့ကြီးဟာ အထက်ပါအမျိုးသားရေး အခြေခံတန်ဖိုးများကြောင့် ခေတ်အဆက်ဆက် နိုင်ငံတော်နှင့်အတူ ရပ်တည်နိုင်ခဲ့တာဆိုတာကို မမိတ်မသုံ ခံယူထားပါတယ်။

ဒါကြောင့် အထက်ပါ တန်ဖိုးများရဲ့သက်ဆိုင်မှုကို လူကြီးမင်းများ သိရှိရအောင် ကျွန်တော်များအနေနှင့် တစ်မျိုးသားလုံး ခေတ်အဆက်ဆက် နိုင်ငံတော်တာဝန်ကျေပွန်စွာ ထမ်းဆောင်ခဲ့တဲ့ ပုံရိပ်များကို ဆက်လက်ဖော်ပြသွားပါမယ်။

လူကြီးမင်းများခင်ဗျာ

လွန်ခဲ့တဲ့ နှစ်ပေါင်း ကိုးရာကျော် အနော်ရထာမင်းလက်ထက်မှာ ပသီအမျိုးသားများ နိုင်ငံတော်တာဝန်ထမ်းဆောင်နေကြတာကိုလည်း သမိုင်းက ဖော်ပြထားပါတယ်။

မြန်မာသက္ကရာဇတ် - ၃၉၃ ခုနှစ် နန်းစံသက် ၁၃ နှစ် အနော်ရထာလက်ထက်မှာ မိတ္ထီလာကန်ကြီး ဆည်ဖို့ရာတွင် ပသီလက်နက်ကိုင် တပ်များ ပါဝင်ခဲ့ကြောင်း (ဟံသာဝတီ ဦးဘရင်ရေး မြန်မာ့ယဉ်ကျေးမှုနှင့် လယ်သမားရေးရာ စာအုပ်)စာမျက်နှာ-၂၅ မှာ ဖော်ပြထားပါတယ်။

မြန်မာ့သက္ကရာဇ် - ၇၈၄ တောင်ငူခေတ် မင်းခေါင် အနော်ရထာလက်ထက် မိတ္ထီလာကန် ဒုတိယအကြိမ်ဆည်ဖို့ရာမှာ ပသီလက်နက်ကိုင်တပ်သား တစ်ထောင်ကျော် လိုက်ပါဆည်ဖို့ခဲ့ပါကြောင်း(ကင်းဝန်မင်းကြီး စာပေါင်းစု စာမျက်နှာ - ၈၆ တွင် ဖော်ပြထားပါတယ်။)

လူကြီးမင်းများခင်ဗျာ

ပုသိမ်မြို့ဟာ- ၁၃ ရာစုနှစ်အတွင်း ပသီများအုပ်ချုပ်ခဲ့တဲ့မြို့ ဖြစ်ခဲ့ကြောင်း စွယ်စုံကျမ်း အတွဲ (၆) စာမျက်နှာ - ၃၅၀ တွင် ဖော်ပြထားသလို ဦးမာဃရေး ပုသိမ်ရာဇဝင်စာအုပ်တွင်လည်း ပုသိမ်မြို့ဟာ ပသီမြို့ဖြစ်ခဲ့ကြောင်း စာမျက်နှာ ၁၃၇ မှာ ဖော်ပြထားပါတယ်။

ယုံကြည်စိတ်ချရမှုနှင့် သစ္စာရှိမှုတို့ကို အကြောင်းပြုပြီး ကုန်းဘောင်မင်းဆက်(၁၁)ဆက်လုံးမှာ ရွှေလင်္ကျာတပ်ဖွဲ့ရာတွင် ပသီများကိုသာ ခန့်အပ်ခဲ့ကြောင်း (ဝါးခယ်မ မောင်မင်းနိုင်ရေး မြန်မာ့လွတ်လပ်ရေးကြိုးပမ်းမှုသမိုင်းဝင် မွတ်စလင်များစာအုပ် စာမျက်နှာ - ၄၄ မှာ ဖော်ပြထားပါတယ်။)

မြန်မာသက္ကရာဇ် ၁၁၈၂-မှာ လက်အောက်ခံ ကသည်းပြည် ပုန်ကန်ခြားနားသဖြင့် - ဘကြီးတော်စစ်ကိုင်းမင်းကိုယ်တိုင် ချီတက်နှိမ်နင်းရာ စစ်ဗိုလ်ကလေး ပသီ-ဒူကရင် စွန့်စွန့်စားစား ရွပ်ရွပ်ချွန်ချွန် ကွပ်ကဲတိုက်ခိုက်တာကို ဘကြီးတော် စစ်ကိုင်းမင်းကိုယ်တိုင် တွေ့ရှိရယုံမက ကသည်းလေးသောင်းကျော် ဖမ်းဆီးပြီး အပြန်မှာ ခေါ်ဆောင်နိုင်ခဲ့တာကြောင့် ဂုဏ်ပြုသောအားဖြင့် ခံတပ်ဗိုလ်ကြီးအဖြစ် ခန့်အပ်ခြင်းခံခဲ့ရပါတယ်။(ကုန်းဘောင်ဆက် မဟာရာဇဝင်တော်ကြီး ဒုတိယတွဲ စာမျက်နှာ ၂၆၈-၂၆၉ တို့မှာ ဖော်ပြထားပါတယ်) ဒါတင်မက ကသည်း လေးသောင်းကျော်မှာ အစ္စလာမ်သာသနာဝင်ထက်ဝက်ကျော်ပါဝင်နေတာကိုလည်း ဖော်ပြထားပါတယ်။

တဖန် ခံတပ်ဗိုလ်ဒူကရင်ဟာ မြင်းစီးမြင်းရေးအတတ်နှင့် မြင်းတပ်ကို ကောင်းမွန်စွာ ကွပ်ကဲပြီး စစ်ရေး အောင်ပွဲများရခဲ့တာကြောင့် စစ်သူကြီးမဟာဗန္ဓုလရဲ့ လက်ဆွဲတော်ဖြစ်ခဲ့ပြီး နေမျိုးဂုဏ္ဏရ ဘွဲ့ ထပ်မံရရှိခဲ့တဲ့အကြောင်းကိုလည်း (ကုန်းဘောင်ဆက် မဟာရာဇဝင်တော်ကြီး ဒုတိယတွဲ စာမျက်နှာ - ၃၉၂)မှာ ဖော်ပြထားပါတယ်။)

မြန်မာသက္ကရာဇ် - ၁၂၁၅ ခုနှစ် ဘဝရှင် မင်းတရားကြီး မြေနန်းတော်ကို ထွက်တော်မူ၍ သံဃာတော်ရှစ်ပါး ဆွမ်းကျွေးတော်မူပြီး ဥပုဒ်ယူခဲ့ပါတယ် ထိုအခမ်းအနားမှာ မင်းမှုထမ်းတွေကိုလည်း ကျွေးမွေးပြုစုခဲ့ပါတယ်။ ဝလီခန် မြင်းတပ်သားများနှင့် ပသီတပ်သား ၇၀၀ ကျော်ကို ပုဆိုးခေါင်းပေါင်းများ ပေးလှူစေခဲ့ပြီး မိမိပသီများရဲ့ ဓလေ့ထုံးစံအရ ချက်ပြုတ်ကျွေးမွေးတော်မူကြောင်း ကုန်းဘောင်ဆက် မဟာရာဇဝင်တော် တတိယတွဲ စာမျက်နှာ - ၁၇၀ မှာ ဖော်ပြထားပါတယ်။

လူကြီးမင်းများခင်ဗျာ

မြန်မာသက္ကရာဇ် ၁၂၈၉ ခုနှစ် ဝါခေါင်လဆန်း သုံးရက်နေ့မှာ မန္တလေးရတနာပုံမြို့သစ် တည်ရေးအတွက် လူပေါင်းများစွာ ခုတ်ထွင်းရှင်းလင်းရာတွင် ဗိုလ်မင်းထင်ရာဇာ ဦးစီးတဲ့ ပသီတပ်သားလေးရာကျော် ပါဝင်ရှင်းခဲ့ကြောင်း သမိုင်းမှာ ဖော်ပြထားပါတယ်။

နိုင်ငံတော်ကာကွယ်ရေးအတွက် ရန်ဖြိုခွင်း အမြောက်တပ် - ရန်ပုံခွင်း အမြောက်တပ် - ရန်ကင်းအမြောက်တပ် - ရန်လည်အမြောက်တပ် - လက်မနိတ် အမြောက်တပ် စတဲ့ အမြောက်တပ်စုတို့မှာ မြေဒူး ပသီတပ်သားများ ပါဝင်ထမ်းဆောင်ကြကြောင်း (ဦးမောင်မောင်တင် ရေး မြန်မာမင်း လက်ထက်တော်စာတမ်း စာမျက်နှာ-၇၁/၇၂တို့မှာ ဖော်ပြထားပါတယ်။)

မြန်မာသက္ကရာဇ် ၁၂၄၁ ခုနှစ် သီတင်းကျွတ်လ ၁၂ ရက်နေ့မှာ စစ်အင်္ဂါခင်းပြီး တပ်ဖွဲ့ဝင်အသီးသီး - သီပေါဘုရင်မင်းမြတ် ရှေ့တော်မှောက် ခင်းကျင်းပြသရာမှာ စကြာအမြောက်တပ် တပ်မင်းဗိုလ်မှူး ဟာရှင် ကွပ်ကဲသော ပသီအမြောက် အမှုထမ်း ၁၃၃ ခုပါတပ် တစ်တပ် အမြောက်ဗိုလ် ဦးကြယ် ကွပ်ကဲတဲ့ ပသီတပ်သား ၁၃၃ ယောက် ပါ တပ်တစ်တပ် ဆူးလေးကုန်ဗိုလ်ဦးစီးတဲ့ ပသီအမြောက်တပ်သား ၁၃၃ယောက်ပါ တပ်တစ်တပ် ဗုံးအိုးဗိုလ် ဦးစီးတဲ့ ပသီအမြောက်တပ်သား ၁၃၃ ယောက်ပါတဲ့ ပသီတပ်သားများ ပါဝင်ခဲ့ကြောင်း(ကုန်းဘောင်ဆက် မဟာရာဇဝင်တော်ကြီး ဒုတိယတွဲ စာမျက်နှာ ၅၁၃-၅၁၅ တို့မှာ ဖော်ပြထားပါတယ်။

လူကြီးမင်းများခင်ဗျာ

ကုန်းဘောင်မင်းဆက် နောက်ဆုံးမင်း သီပေါ်မင်းလက်ထက်မှာ သရက်မြို့အထထိ နယ်ချဲ့အင်္ဂလိပ်တို့ကျူးကျော်ခဲ့တာကြောင့် အင်္ဂလိပ်မြန်မာ တတိယစစ်ပွဲကြီး ပေါ်ပေါက်ခဲ့ပါတယ်။ အဆိုပါ ကျူးကျော်စစ်ပွဲကြီးမှာ သီပေါဘုရင်က တပ်ဖွဲ့ဝင် နှစ်သောင်းကျော်စီ ပါဝင်တဲ့ စစ်ကြောင်းကြီး သုံးကြောင်း စေလွတ်ခဲ့ပါတယ်။ အဆိုပါ စစ်ကြောင်းကြီး သုံးကြောင်းအနက်မှ တောင်တွင်းကြီးစစ်ကြောင်းကို ကွပ်ကဲဦးဆောင်တဲ့ စစ်သူကြီးအက္ကပါတ် မြန်းဝန်မင်းကြီး မဟာ မင်းထင်ရာဇာ ငယ်မည် ဦးခြုံဟာ ပသီအမျိုးသား မွတ်စလင်တစ်ယောက်ဖြစ်ပါတယ်။ ဒါတင်မက အထက်ပါ စစ်ကြောင်းကြီးမှာ ပါဝင်တဲ့ အမြောက်တပ် ယမ်းပြီချိန်တပ် မြင်းတပ် ရွေ့လင်္ကျားတပ် သွေးသောက်တပ်တွေမှာလည်း ပသီအမျိုးသားမွတ်စလင် အမြောက်အများ ပါဝင်ခဲ့ကြောင်း( ကုန်းဘောင်မင်းဆက် ရာဇဝင်တော်ကြီး တတိယတွဲ စာမျက်နှာ ၇၁၂ မှာ ဖော်ပြထားပါတယ်။) မင်းကြီး မဟာမင်းထင်ရာဇာဦးခြုံဟာ မန္တလေးရတနာပုံ မြို့တော်ဝန်အဖြစ်လည်း တာဝန်ထမ်းဆောင်ခဲ့ကြောင်း လေ့လာသိရှိရပါတယ်။

လူကြီးမင်းများခင်ဗျာ

မန္တလေးရတနာပုံမြို့တော် တည်ပြီးနောက် ပသီအမျိုးသားမွတ်စလင်များကို (၁) ကုန်းရိုးတန်း (၂)စစ်ကိုင်းတန်း (၃)စကြာအမြောက်တန်း (၄) တောင်အပ်ချုပ်တန်း (၅) မြောက်အပ်ချုပ်တန်း (၆) ဂျွန်းတန်း (၇) တိုက်တန်း (၈) ဝလီခန်းရပ် (၉)ကိုယ်ရန်တော်ရပ် (၁၀)ကုလားပျိုရပ် (၁၁)တောင်ဘလူရပ် (၁၂) အိုးဘိုရပ် စတဲ့ ရပ်ကွက် (၁၂)ကွက်နှင့် ဗလီ အလုံး နှစ်ဆယ်တို့ဖြင့် နေရာချထားပေးခဲ့ပါတယ်။ (ဦးမောင်မောင်တင်ရေး မြန်မာမင်းများ လက်ထက်တော် စာတမ်း စာမျက်နှာ (၇၂)မှာ ဖော်ပြထားပါတယ်။) တဖန် မင်းတုန်းမင်းလက်ထက် ပသီမွတ်စလင်များ မက္ကာမြို့ ဘုရားဖူးသွားရာမှာ တည်းခိုဖို့ ဒေါင်းတံဆိပ်တော် ခေတ်ဇရပ်ကြီးတစ်ဆောင် လှူဒါန်းတာကိုလည်း သမိုင်းမှာ ဖော်ပြထားပါတယ်။

မင်းတုန်းမင်းတရားကြီးရဲ့ လင်္ကျာဖက်မှာ အမြဲတမ်းခစားရတဲ့ ရွေးလင်္ကျာ ပသီတပ်သားများ အလွယ်တကူ ဝတ်ငါးကြိမ်တက်နိုင်ဖို့ မင်းတုန်းမင်းကြီး ကိုယ်တိုင် နန်းတွင်းမှာ ရွှေပန္နက်ချပြီး ဗလီတစ်လုံး ဆောက်လုပ်လှူခဲ့ပါတယ်။ အဆိုပါ ရွှေပန္နက်ချ ဗလီ အမည်တွင်တဲ့ ဗလီဟာ ဒုတိယကမ္ဘာစစ်အတွင်း ဗုံးဒဏ်ခံခဲ့ရတာကြောင့် မြေခပျက်ဆီးခဲ့ရပါတယ်။

လူကြီးမင်းများခင်ဗျား

(၁၈၇၈-၁၈၈၅)ခုနှစ် သီပေါမင်းခေတ် ဗမာပြည်မြောက်ပိုင်း ဗန်းမော်မြို့ကို တရုတ်တို့ကျူးကျော်သိမ်းပိုက်ဖို့ ကြိုးပမ်းခဲ့တာကြောင့် ဘုရင့်ရေကြောင်းသင်းဘောသုံးစင်းဖြင့် ဗိုလ်မင်းဦးဖိုးကာ ပါဝင်တိုက်ခိုက်ခဲ့သလို (၁၈၈၅) အင်္ဂလိပ်မြန်မာ တတိယစစ်ပွဲမှာလည်း အမြောက်တပ် တပ်မှုးအဖြစ် ဦးဖိုးကာ ပါဝင်ပြီး မင်းလှခံတပ်မှာ ခံတိုက်ခိုက်ခဲ့တာကိုလည်း သမိုင်းမှာ ဖော်ပြထားပါတယ်။

(၁၈၈၆)ခုနှစ် မိတ္ထီလာ ကျောက်ဆည် ပခုက္ကူနယ်တို့မှာ ဘုရင်ပါတော်မူပြီး နယ်ချဲ့တို့သိမ်းပိုက်တာကို လက်မခံပဲ တော်လှန်ပုန်ကန်ခဲ့တဲ့ ဗိုလ်ရာကွတ်ကို အင်္ဂလိပ်နယ်ချဲ့တို့ ဖမ်းဆီးပြီး သစ္စာခံရင် ရာထူးပေးမယ်လို့ သွေးဆောင်ချော့မြူခဲ့သော်လည်း လက်မခံတာကြောင့် ကြိုးပေးခဲ့ရာ ဘုရင်ချီးမြှင့်ထားတဲ့ ကတ္တီပါ ဝတ်ရုံစိမ်း ဝတ်ပြီး ကြိုးစင်တက် အသေခံခဲ့ပါတယ်။ ၎င်းဟာ ပသီအမျိုးသား မွတ်စလင်တစ်ယောက်ဖြစ်ပါတယ်။

(၁၉၃၀) ဆရာစံ ဦးဆောင်တဲ့ လယ်သမားသူပုန်ထကာ အင်္ဂလိပ်ကို တော်လှန်ခဲ့ရာမှာလည်း အစ္စလာမ်ဘာသာဝင် ပသီအမျိုးသား ဦးဒူးဒူးနှင့် ဥက္ကံနယ် ဝမ်ကိုင်ရွာမှ အစ္စလာမ်ဘာသာဝင် ပသီရွာသားအမြောက်အများ ပါဝင်ခဲ့တာဟာလည်း သမိုင်းမှာ ထင်ရှားတဲ့ သာဓကတစ်ရပ်ပါ။

(၁၉၂၀)ခုနှစ် ရန်ကုန်တက္ကသိုလ် သပိတ်မှောက်ကျောင်းသားခေါင်းဆောင် (၁၁)ဦးအနက် သံတွဲဦးဘရှင်ပါဝင်ခဲ့သလို ပထမဆုံး ရန်ကုန်တက္ကသိုလ်ကျောင်းသားသမဂ္ဂဖြစ်မြောက်ရေးကော်မတီ ဥက္ကဋ္ဌ - ဦးကျော်ခင် - ပထမဆုံး ရန်ကုန်တက္ကသိုလ်-ကျောင်းသားသမဂ္ဂဥက္ကဋ္ဌ ဦးထွန်းစိန် စတဲ့ ခေါင်းဆောင်ကြီးများဟာလည်း အစ္စလာမ်သာသနာဝင် ပသီအမျိုးသားများ ဖြစ်ပါတယ်။

လူကြီးမင်းများခင်ဗျာ

ဆရာကြီးဦးရာဇာတ်နှင့် ပတ်သက်ပြီး ဂုဏ်ပြုစကားပြောကြားလိုပါတယ်။ ဆရာကြီးဟာ တော်လှန်ရေးသမားတွေကို လက်သဲခြေသဲများခွာပြီး ဖက်ဆစ်ဂျပန်တို့ညှင်းပန်းနှိပ်စက်နေတဲ့ကာလမှာ ဖက်စစ်တော်လှန်ရေး ပြည်သူ့လွတ်မြောက်ရေး (ဖဆပလ) မန္တလေးခရိုင်အဖွဲ့မှာ ဥက္ကဋ္ဌအဖြစ် ဆောင်ရွက်ပြီး ဖက်ဆစ်ဂျပန်ကို ကိုယ်တိုင်ပါဝင်တော်လှန်ခဲ့ပါတယ်။ ဒီနောက် တော်လှန်ရေးအပြီး မန္တလေးခရိုင် ဖဆပလ အဖွဲ့ ဥက္ကဋ္ဌအဖြစ် ဆက်လက်ဆောင်ရွက်ခဲ့တာကြောင့် ဗိုလ်ချုပ်အောင်ဆန်းကိုယ်တိုင် မန္တလေးဆင်းလာပြီး ရန်ကုန် ဖဆပလ ဌာနချုပ်မှာ တာဝန်ထမ်းဆောင်ဖို့ တစ်ပါတည်းခေါ်ဆောင်သွားခဲ့ပါတယ်။ အဲဒီလို ခေါ်ဆောင်သွားစဉ် ကာလမှာပင် မန္တလေး- လေးပြင်လေးရပ်မှ - သံဃာတော် ဆရာတော်ကြီးများက ဆရာကြီး ဦးရာဇာတ်အား ဝန်ကြီးရာထူးပေးဖို့ အညီအညွတ်တောင်းဆိုခဲ့တဲ့ စာပေးပို့ခဲ့တာကြောင့် ဆရာကြီးဟာ ပညာရေးဝန်ကြီးနှင့် အမျိုးသားစီမံကိန်းဌာနဝန်ကြီးအဖြစ် ခန့်အပ်ခဲ့တယ်ဆိုတာကိုလည်း လေ့လာသိရှိရပါတယ်။ ဒါတင်မက ဆရာကြီးဦးရာဇာတ်ဟာ မန္တလေးမြို့မှာ အမျိုးသားကျောင်း ပေါ်ပေါက်လာအောင် ဆောင်ရွက်ရာမှာ အဓိကနေရာမှ ပါဝင်ခဲ့သလို အမျိုးသားကျောင်းအုပ်ကြီးအဖြစ် တာဝန်ယူဆောင်ရွက်ပြီး မျိုးချစ်စိတ်ရှိတဲ့ တပည့်တပန်းများစွာ ပေါ်ပေါက်လာအောင် ဆောင်ရွက်နိုင်ခဲ့ပါတယ်။ မန္တလေးတက္ကသိုလ်ကြီးပေါ်ပေါက်လာအောင် အဓိကကြိုးပမ်းရာမှာ အဓိကနေရာမှ ဆောင်ရွက်ခဲ့တာကိုလည်း သိရှိရပါတယ် မန္တလေးတက္ကသိုလ်အနီး ရာဇတ်ခမ်းမဆောင်ဟူ၍ ဂုဏ်ပြုဆောက်လုပ်ထားတာကိုလည်း တွေ့မြင်ရမှာ ဖြစ်ပါတယ်။

လူကြီးမင်းများခင်ဗျာ

ဗိုလ်ချုပ်အောင်ဆန်းနှင့်တကွ နိုင်ငံတော်ခေါင်းဆောင်ကြီးများနှင့်အတူ ဆရာကြီးဦးရာဇတ်နှင့် အပါးတော်မြဲ ရဲဘော် မောင်ထွေးတို့ နိုင်ငံတော်တာဝန်ထမ်းဆောင်ရင်း အာဇာနည်များအဖြစ် ကျဆုံးခဲ့သော်လည်း အာဇာနည်ကြီးများ ထားရစ်ခဲ့တဲ့ တန်ဖိုးများ နိုင်ငံတော်အတွက် ဆက်လက်ရှင်သန်နေတာကြောင့် တမျိုးသားလုံး ဂုဏ်ယူသွားရမှာဖြစ်သလို ကောင်းမွန်တဲ့ စံတန်ဖိုးများအဖြစ် ကျွန်တော်တို့ ခံယူကျင့်သုံးသွားရမှာဖြစ်ပါတယ်။

လူကြီးမင်းများခင်ဗျာ

အာရှလူငယ်အဖွဲ့နှင့်ပတ်သက်ပြီး အနည်းငယ် တင်ပြလိုပါတယ်။ ဂျပန်ခေတ် အာရှလူငယ်အစည်းအရုံးများမှာ အစ္စလာမ်သာသနာဝင် ပသီအမျိုးသားများ ဒေသအလိုက် တော်တော်များများပါဝင်ခဲ့ပါတယ်။ အာရှငယ်ဌာနချုပ်မှာလည်း ဗိုလ်မှူးကြီးဘရှင် ဥာဏဗလမှူးအဖြစ် ပါဝင်ခဲ့သလို အထက်မြန်မာပြည်မှာလည်း သခင်မင်းညို (ဗန်းမော်) ဝမ်းအိုဝမ်း ဦးကျော်ဝင်းမောင် (ဗန်းမော်) သခင်သိန်းထွန်း (ဒါးတန်းမန္တလေး) သခင်သန်းဖေ (မန္တလေး) ပသီဦးကိုကိုလေး (မန္တလေး) ပသီဦးစိုး (မန္တလေး) ဦးသာဒွန်းကြေးနန်း (မန္တလေး) ဦးဘဦးတောင်ပလူ(မန္တလေး) ဗိုလ်မှူးကြီး တင်စိုး တောင်ပလူ(မန္တလေး) ဦးကျော်မင်း တောင်ပလူ(မန္တလေး) ပသီဦးချစ်ဆွေ(မန္တလေး) ရွှေလှမောင်လေး (မန္တလေး) ဦးလှအောင် (မန္တလေး) ဆရာ-ဦးခင်မောင်ရီ(မန္တလေး) ဦးသန်းညွန့်(မေမြို့) ကျားဘငြိမ်း (မန္တလေး) ချစ်ညို-ဘသိန်း(မန္တလေး) သခင်လေးမောင်(ဘုန်းအိုး အမရပူရ) ၊ ရဲဘော်ဘတုပ် (ဘုန်းအိုး အမရပူရ) ဆရာညီညီ (မန္တလေး) ၊ ဦးစံထွန်း (မန္တလေး)၊ မျိုးမြင့် ဦးလှမောင် (မန္တလေး) စတဲ့ အစ္စလာမ်သာသနာဝင် ဗမာမွတ်စလင်ခေါ် ပသီအမျိုးသားများ ပါဝင်ခဲ့ကြပါတယ်။

လူကြီးမင်းများခင်ဗျာ

နယ်ချဲ့အင်္ဂလိပ်တို့ ရာစုနှစ် တစ်ခုခန့် အုပ်ချုပ်တဲ့ ကာလမှာ နယ်ချဲ့လက်ပါးစေ နိုင်ငံခြားသားများ အစ္စလာမ်ဘာသာကို ခေါင်းမြီးချုံပြီး လွမ်းမိုးချယ်လှယ်ကာ နိုင်ငံခြားယဉ်ကျေးမှု အချို့ သွတ်သွင်းခဲ့တာကြောင့် အမျိုးသားရေးအသွင် ပုံရိပ်များ မှေးမှန်ခဲ့ရတဲ့ အခြေအနေမျိုး ရောက်ရှိခဲ့ရပါတယ်။ ဒီအခြေအနေတွေကို ဖယ်ရှားပြီး မိခင်မြေမှာ ပေါ်ပေါက်ခဲ့တဲ့ အမျိုးသား ကိုယ်ပိုင်ယဉ်ကျေးမှုများ အခြေခံပြီး တစ်မျိုးသားလုံးအသွင်ဖြင့် သာသနာရေး အမျိုးသားရေး ကျင့်သုံးသွားမှ ဖြစ်မယ်ဆိုပြီး သမိုင်းပေးတာဝန်အရ အစ္စလာမ်သာသနာ့ရေးရာ ကောင်စီအဖွဲ့ကြီး ၁၉၅၄ - ခုနှစ်မှာ ပေါ်ပေါက်ခဲ့တာဖြစ်ပါတယ်။

လူကြီးမင်းများခင်ဗျာ

ကျွန်တော်တို့ တမျိုးသားလုံး အစ္စလာမ်သာသနာဝင်များ ဖြစ်ကြသော်လည်း ကျွန်တော် စောစောပိုင်းက တင်ပြခဲ့သလို နိုင်ငံတော် ရေမြေ သဘာဝအပေါ်မှာ ဇာတိတရပ်အဖြစ် တမျိုးသားလုံး ပေါ်ပေါက်ခဲ့သလို နိုင်ငံတော်အပေါ် သစ္စာစောင့်သိ ချစ်မြတ်နိုးခြင်း ခုခံကာကွယ်ခဲ့ခြင်း တည်ဆောက်ခဲ့ခြင်း နိုင်ငံတော်နှင့် လိုက်လျောညီထွေ ရပ်တည်ခဲ့ခြင်း ဘာသာပေါင်းစုံ လူမျိုးပေါင်းစုံကြားမှာ အပြန်အလှန် ယုံကြည်လေးစားခဲ့ခြင်း၊ သမိုင်းကြောင်းတစ်လျှောက်လုံး အလူးသဖြင့် ဗုဒ္ဓဘာသာ ဗမာလူမျိုးများနှင့် နှစ်ထောင်နှင့်ချီပြီး ဗမာမွတ်စလင်ခေါ် ပသီအမျိုးသားများ နီးနီးစပ်စပ် ချစ်ချစ်ခင်ခင် ရပ်တည်ခဲ့တာဟာလည်း ထင်ရှားတဲ့ သာဓကတစ်ရပ်လို့ ဆိုရမှာ ဖြစ်ပါတယ်။

ဒီကနေ့ ဘာသာတစ်ခုနှင့် တစ်ခုကြားမှာ ထင်ရောင်ထင်မှားဖြစ်အောင် အမုန်းပွားစေတဲ့ ဝါဒဖြန့်ချီမှုများကြောင့် နိုင်ငံရဲ့ ပုံရိပ်ကိုလည်း ထိခိုက်သလို မလိုလားအပ်တဲ့ အခြေအနေများ ပေါ်ပေါက်လာနိုင်ပါတယ်။ ဒါကြောင့် နိုင်ငံတော်နှင့်အတူ လူမျိုးပေါင်းစုံ ဘာသာပေါင်းစုံ ချစ်ကြည်ရေး တန်ဖိုးများ ပြန်လည်ပေါ်ပေါက်လာအောင် ဝိုင်းဝန်းထိန်းသိမ်းသွားဖို့ ကျွန်တော့အနေနှင့် တိုက်တွန်းပါကြောင်းပြောကြားရင်း နိဂုံးချုပ်အပ်ပါတယ်။

***************************************

နေ့ရက်- ၂၅-၁-၂၀၁၅ (တနင်္ဂနွေနေ့)

အချိန် - နံနက် (၉း၀၀)နာရီ

နေရာ - ပန်းသေးဗလီခန်းမ

လမ်း ၈၀၊ ၃၅ × ၃၆ လမ်းကြား၊ မန္တလေးမြို့။

Friday, January 23, 2015

အစ္စလာမ်ကောင်စီ၏

ဖွဲ့စည်းမှုဆိုင်ရာအချက်အလက်များ

(အစ္စလာမ့်စာစဉ်-၅၅)

အစ္စလာမ်ကောင်စီဖွဲ့စည်းတည်ထောင်ခဲ့သော(၅၄)နှစ်တာ ကာလအတွင်း အောင်မြင်မှုများနှင့် မအောင်မြင်မှုများသည် ရောပြွမ်းလျက်ပင်ရှိပါသည်။ အစ္စလာမ်ကောင်စီ၏ ရည်မှန်းချက်ပန်းတိုင်သို့ရောက်အောင် ယခုထက်ပိုမိုကြိုးပမ်းဆောင်ရွက်ရန် လိုအပ်နေပါသည်ဟု ခံယူပါသည်။

သက်ဆိုင်ရာ အစ္စလာမ်ကောင်စီခွဲများ ၊ သက်ဆိုင်ရာဒေသမှ အစ္စလာမ်ဘာသာရေး အသင်းအဖွဲ့များနှင့် အစ္စလာမ်ဘာသာဝင်များသည် အောက်ပါကိစ္စရပ်များနှင့် စပ်လျဉ်း၍ အစ္စလာမ်ကောင်စီဌာနချုပ်သို့ တင်ပြလာသည်များရှိပါသည်။

၁။ နိုင်ငံသားမိဘနှစ်ပါးမှ မွေးဖွားလာကြသည့် အစ္စလာမ်သာသနာဝင်များသည် နိုင်ငံသား စိစစ်ရေးကတ်ပြားလျှောက်ထားရာတွင်လည်းကောင်း၊ ပျောက်ဆုံး/ပျက်စီး မိတ္တူလျှောက်ထားရာတွင်လည်းကောင်း၊ ကြန့်ကြာမှုအခက်အခဲများ တွေ့ကြုံနေကြရပြီး ၎င်းနိုင်ငံသားစိစစ်ရေးကတ်ပြားဖြင့် ခရီးသွားလာရာတွင်လည်း အခက်အခဲအချို့ကြုံတွေ့နေကြရခြင်းကိစ္စ၊

၂။ ရခိုင်ပြည်နယ်အတွင်းရှိ ဒေသခံတိုင်းရင်းသား နိုင်ငံသား အစ္စလာမ်သာသနာဝင်များသည် မိမိတို့ဒေသအတွင်းရှိမြို့နယ်တစ်ခုမှ အခြားမြို့နယ်တစ်ခုသို့ သွားလာရန်အတွက်သော်လည်းကောင်း၊ အစ္စလာမ်သာသနာဝင်အချင်းချင်း အစ္စလာမ့်တရားတော်အရ နိကာဟ်ပြု လက်ထပ်ထိမ်းမြားရန် အတွက်သော်လည်းကောင်း၊ သက်ဆိုင်ရာဒေသ အာဏာပိုင်များ၏ ခွင့်ပြုချက် လျှောက်ထားရယူရခြင်း၊ ထိုသို့ခွင့်ပြုချက် လျှောက်ထားရာတွင်လည်း ကြန့်ကြာမှု အခက်အခဲများကြောင့် သာသနာရေး၊ လူမှုရေး၊ ကျမ်းမာရေး၊ ပညာရေး၊ စီးပွားရေးကိစ္စများတွင် မလိုလားအပ်သော အခက်အခဲများ ကြုံတွေ့နေရခြင်းကိစ္စ။

၃။ အစ္စလာမ်သာသနာဝင်တို့ စုပေါင်းဝတ်ပြုကိုးကွယ်ရန်နေရာ ဗလီဝတ်ကျောင်းတော်များနှင့် သာသနိက အဆောက်အအုံများ ပြင်ဆင်မွမ်းမံရန်အတွက် ခွင့်ပြုချက် လျှောက်ထားရာတွင် ရယက၊ မယက၊ ခယက၊ တယက/ပယက၊ တိုင်း/ပြည်နယ် သာသနာရေးမှူးရုံး၊ သာသနာရေး ဦးစီးဌာန၊ သက်ဆိုင်ရာ စည်ပင်သာယာရေးအဖွဲ့ စသည်ဖြင့် နေရာများစွာတွင် အဆင့်ဆင့်လျှောက်ထားရသည့်အတွက် ကြန့်ကြာမှုများ ကြုံတွေ့နေရခြင်းနှင့် တိုးတက်များပြားလာသည့် လူဦးရေနှင့်အညီ တိုးချဲ့/တိုးမြှင့် ဆောက်လုပ်ခွင့်မရသဖြင့် အခက်အခဲတွေ့ကြုံရသည့်ကိစ္စ။

၎။ မြို့သစ်များတွင် အစ္စလာမ်သာသနာဝင်များ စုပေါင်းဝတ်ပြုကိုးကွယ်ရန်နှင့် ရင်သွေးငယ်များအား သာသနာ့စာပေသင်ကြားပေးရန် သာသနိက အဆောက်အအုံများ မရှိသဖြင့် အခက်အခဲ ကြုံတွေ့ရသည့်ကိစ္စ။

၅။ (၂၀၀၁)ခုနှစ်တွင် တောင်ငူမြို့၌ လည်းကောင်း၊ (၂၀၀၅)ခုနှစ်တွင် ရေနံချောင်းမြို့၊ ချောက်မြို့၊ မကွေးမြို့၊ ပွင့်ဖြူမြို့တို့တွင် ဖြစ်ပေါ်ခဲ့သော ကိစ္စများအတွက် လုံခြုံရေးအရ ယာယီပိတ်ပင်ထားခြင်းခံရသော ဗလီဝတ်ကျောင်းတော်များပြန်လည်ဖွင့်လှစ်နိုင်ရေးကိစ္စ။

၆။ ဧရာဝတီတိုင်းအတွင်း နာဂစ်လေမုန်တိုင်းကြောင့် ပျက်စီးသွားသော ဗလီဝတ်ကျောင်းတော်များ ပြန်လည်ပြင်ဆင်ဆောက်လုပ်ခွင့် ရရှိရေးကိစ္စ။

၇။ (၂၈-၇-၂၀၀၈)နေ့တွင် ရမည်းသင်းမြို့၊ ဗ-မ-က အနောက်ရပ်ကွက်၊ မနော်ဟရီလမ်းရှိ ဗလီဝတ်ကျောင်းတော် ချိန်ပိတ်ခံထားရခြင်းကိစ္စ။

__________________________________

အထက်ပါကိစ္စရပ်များအနက် အမှတ်စဉ် - ၁ မှ - ၆ အထိကို သာသနာရေးဝန်ကြီးဌာန အစည်းအဝေးများတွင် အစ္စလာမ်ကောင်စီက တင်ပြခဲ့ပြီးဖြစ်ပါသည်။ ထိုကိစ္စများနှင့်ပတ်သက်၍ လေးစားအပ်ပါသော သာသနာရေးဝန်ကြီးဌာနဝန်ကြီး၊ ဒုတိယဝန်ကြီးနှင့်ညွှန်ကြားရေးမှူးချုပ်တို့က စိတ်ရှည်စွာ အချိန်ပေး၍ ပြန်လည် ရှင်းလင်းတင်ပြခဲ့သည်များကိုလည်း သက်ဆိုင်ရာအစ္စလာမ်ကောင်စီခွဲများ၊ အစ္စလာမ်ဘာသာရေးအသင်းအဖွဲ့များ၊ အစ္စလာမ်သာသနာဝင်များကို လက်လှမ်းမီသမျှ ပြန်လည်ရှင်းလင်းတင်ပြခဲ့ပြီးဖြစ်ပါသည်။

********

အစ္စလာမ်ကောင်စီသည် တိုင်းနှင့်ပြည်နယ် အစ္စလာမ်ကောင်စီခွဲ(၁၀)ခု၊ ခရိုက်အစ္စလာမ်ကောင်စီခွဲ(၂၅)ခုနှင့် မြို့နယ် အစ္စလာမ်ကောင်စီခွဲ (၁၂၉)တို့ဖြင့် ဖွဲ့စည်းထားသော အဖွဲ့အစည်းဖြစ်သဖြင့် လူသားများ၏ သဘောသဘာဝအရ ပြဿနာအခက်အခဲများ နည်းများမဆိုရှိခဲ့၊ ရှိလျှက်၊ ရှိနေဦးမည်သာ ဖြစ်ပါသည်။ အစ္စလာမ်ကောင်စီ၏ တိကျသော ဖွဲ့စည်းပုံအခြေခံဥပဒေ စည်းမျဉ်းရှိမှု၊ အထက်အောက် အပြန်အလှန် ထိန်းကျောင်းနိုင်သော အစည်းအဝေးများ၊ ညီလာခံများ ပုံမှန်ကျင်းပဆောင်ရွက်မှု၊ ၎င်းအစည်းအဝေးများ ညီလာခံများတွင် အပြုသဘောဆောင် ပွင့်ပွင့်လင်းလင်း ဝေဖန်ဆွေးနွေးမှု၊ အနည်းစု၏ဆန္ဒကို တလေးတစား နာယူပြီး အများဆန္ဒနှင့်အညီ စုပေါင်းဆွေးနွေး အဖြေရှာဆောင်ရွက်မှု စသည့် အစ္စလာမ်ကောင်စီ၏ အစဉ်အလာကောင်းများကြောင့် ပြဿနာများ၊ အခက်အခဲများသည် ပြေပျောက်ခဲ့သည်သာ ဖြစ်ပါသည်။

အစ္စလာမ်ကောင်စီ၏ လုပ်ငန်းစဉ်များတွင် သက်ဆိုင်ရာက တာဝန်ပေးအပ်လာသော အစ္စလာမ့်ရေးရာကိစ္စများကို အစ္စလာမ်ဘာသာရေး အခြားအဖွဲ့အစည်းများနှင့် ပူးတွဲဆောင်ရွက်ရာတွင်သာ အခက်အခဲများစွာရှိပါသည်။ ထိုအဖွဲ့အစည်းများ၌ တိုင်းချစ် ပြည်ချက်စိတ်ရှိသော၊ ဘာသာရေး အယူမသီးအစွန်းမထွက်သော၊ နိုင်ငံလုံးဆိုင်ရာအဖွဲ့အစည်းအင်္ဂါရပ်နှင့် ညီညွတ်သော အဖွဲ့အစည်းများနှင့် ပူးတွဲဆောင်ရွက်ရာတွင် ပြောပလောက်သော အခက်အခဲမရှိပါသော်လည်း၊ အစ္စလာမ်ဘာသာရေးအဖွဲ့အစည်းအားလုံး ပူးပေါင်းဆောင်ရွက်ရမည်ဆိုပါက ယခုကဲ့သို့ပင် မအောင်မြင်မှု၊ကြန့်ကြမှု၊အခက်အခဲများကို ဆက်လက်ကြုံတွေ့နေရမည်ဖြစ်ပါသည်။

မည်သို့ပင်ဖြစ်စေကာမူ အစ္စလာမ်သာသနာရေးရာကောင်စီသည် မိမိ၏ ရည်မှန်းချက်ပန်းတိုင်တွင် ဖော်ပြထားသည့် မွတ်စလင်မ်ပီသရေး၊ တိုင်းရင်းသားပီသရေး - ဟူသည့် အခြေခံမူအတိုင်း နိုင်ငံတော်၏ ကျေးဇူးသစ္စာကို စောင့်သိရိုသေစွာဖြင့် အစ္စလာမ်သာသနာတော်၏ အကျိုးကို ဆက်လက်သယ်ပိုးဆောင်ရွက်သွားမည် ဖြစ်ပါကြောင်း လေးစားစွာ အစီရင်ခံတင်ပြ၍ နိဂုံးချုပ်အပ်ပါသည်။

ဗဟို အလုပ်အမှုဆောင်အဖွဲ့

အစ္စလာမ်သာသနာရေးရာကောင်စီဌာနချုပ်

ရက်စွဲ။ ။ ၂၀၀၈ ခုနှစ်၊ စက်တင်ဘာလ ၊ (၄) ရက် ။

Tuesday, January 20, 2015

ကမ္ဘာအေးတရား(အသံလွင့်သည့်နေ့။ ။ ၁၂-၁၂-၁၉၅၁)

ကမ္ဘာ့ရာဇဝင်ကို ပြန်လည်သုံးသပ်ကြည့်လျှင် ခေတ်တိုင်း နယ်တိုင်း နှင့် လူမျိုးတိုင်းတွင် (Prophets)တမန်တော်များ ပွင့်ပေါ်ခဲ့ကြတယ်။ အသီးသီး ပရိယတ္တိကျမ်းများ ဆောင်လာခဲ့ကြတယ်။ ကမ္ဘာသူ ကမ္ဘာသားများအား အလွန် ယဉ်ကျေးချိုအေးတဲ့ တရားရေအေး အမြိုက်ဆေး တိုက်ကြွေးခဲ့ကြတယ်။
ယခင် နှစ်ပေါင်း (၁၃၀၀)ကျော်က အရေးဗီးယားတိုင်းပြည်တွင် တမန်တော်များ၏အချုပ်၊ တမန်တော်များ၏ ထွပ်ဖြစ်သော တမန်တော် မိုဟမ္မဒ် (ဆွ) သခင် ပွင့်တော်မူခဲ့တယ်။ ပရိယတ္တိကျမ်းဂန်များ၏ အမိဖြစ်သော ကုရ်အာန်ကျမ်းမြတ်ကို ယူဆောင်လာပြီး ကမ္ဘာ့လူထုကြီး တစ်ရပ်လုံးအား ဤသို့ ကြွေးကြော်ခဲ့တယ်။

اِنِّى رَسُوْلُ اللهِ إِلَيْكُمْ جَمِيْعًا

အကျွန်ုပ်သည် အသင်တို့ ကမ္ဘာသူ ကမ္ဘာသား အားလုံးအတွက် ပွင့်လာသော အလ္လာဟ်အရှင်မြတ်၏ တမန်တော်ဖြစ်သည်။

لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ

အသင်တို့ထံ အသင်တို့၏ အမျိုးသားဖြစ်သော တမန်တော်တစ်ပါး ရောက်လာပြီး ထိုတမန်တော်သည် အသင်တို့ ဆင်းရဲကြီးစွာ ခံရမည့်အရေးကို တွေးပြီး စိတ်မအေး ရင်လေးတော်မူရှာတယ်။ ထို တမန်တော်သည် အသင်တို့၏ အကျိုးကိုသာ အထူးလိုလား တောင့်တတော်မူတယ်။ ထို တမန်တော်သည် ယုံကြည်ခြင်း သဒ္ဒါတရားရှိသော မုအ်အင်န်များအား သာပို၍ပင် သနားကြင်နာတော်မူတယ်။

(ကုရ်အာန် ၉း၁၂၈)

တမန်တော် မိုဟမ္မဒ် (ဆွ) သခင်သည် စကြဝဠာကြီးကို ဤသို့မြင်သည်။

الْخَلْقُ عِيَا لُ اللهِ

ဝေနေယျသတ္တဝါအားလုံးတို့သည် အလ္လာအရှင်မြတ်၏ အိမ်ထောင်စုကြီးတစ်ခုဖြစ်သည်။

ဒီအမိန့်တော်အရဆိုလျှင် ဒီမိုး-ဒို့မိုး၊ ဒီမြေ- ဒို့မြေ၊ ဒီကမ္ဘာ-ဒို့ကမ္ဘာ၊ ကမ္ဘာ့လူထု - ဒို့လူထု၊ ကမ္ဘာ့အရေး - ဒို့အရေး ဖြစ်နေသည်မှာ ထင်ရွားပါတယ်။ ကမ္ဘာ့- ဒို့အရေး ဖြစ်နေသည်မှာ ထင်ရှားပါတယ်။ ကမ္ဘာ့အိမ်ထောင်စုကြီးကို သာယာဝပြောအောင် ပြုလုပ်ခြင်းဟာ ကမ္ဘာ့အိမ်ထောင်သားများ၏ တာဝန်ပဲဖြစ်ပါတယ်။ ဒါကြောင့် အိမ်ထောင်စုသားတိုင်းသည် မိမိတို့ တာဝန်များကို ဝေပုံကျ ထမ်းဆောင်ရပါမယ်။ ဒီကိစ္စနှင့် ပတ်သက်ပြီး တမန်တော် မိုဟမ္မဒ်(ဆွ)က အတိအလင်း မိန့်တော်မူခဲ့ပါတယ်။

كُلُّكُمْ رَا عٍ وَ كُلُّكُمْ مَسْءُوْلٌ عَنْهُ

လူတိုင်းလူတိုင်းသည် မင်းလုပ်အုပ်ချုပ်ရမည့် အာဏာပိုင်များ ဖြစ်တယ်။ လူတိုင်း လူတိုင်းသည် - မိမိ၏ တာဝန်ဝတ္တရားနှင့် ပတ်သက်ပြီး အမေးမြန်းခံရမည့် တာဝန်ခံလည်းဖြစ်တယ်။

တာဝန်ကျေပွန်သည်နှင့် အမျှ ကမ္ဘာတွင် ငြိမ်းချမ်းမှုရရှိမယ်၊ တာဝန်ပျက်ကွက်သည်နှင့်အမျှ ကမ္ဘာတွင် ဆူပူမှုဖြစ်မယ်၊ ဒါဟာ လက်တွေ့ပဲ။

ပထမအနီးဆုံး(ကမ္ဘာ့အမျိုးသမီးများ)

ကမ္ဘာ့ဇာတ်ခုံပေါ်တွင် မိမိနှင့် (ပထမ) အနီးဆုံးနှင့် အရင်းနှီးဆုံးသည် ကမ္ဘာ့အမျိုးသမီးများဖြစ်ကြသည်။ ကမ္ဘာ့ငြိမ်းချမ်းမှုနှင့် သာယာမှုကို ဖန်တီးမည့် ကမ္ဘာ့အာဇာနည် သူရဲကောင်းများကို လက်ပူးလက်ကျပ် ပြုစုပျိုးထောင်ပေးလိုက်သူများမှာ ဒီ အမျိုးသမီးများပင်ဖြစ်တယ်။ ဒါကြောင့် တမန်တော် မိုဟမ္မဒ်(ဆွ)သခင်က မိန့်တော်မူခဲ့တယ်။

خير كم خير كم لا هلكم وانا خير كم لا هلى

မိမိတို့၏ အိမ်သူများအပေါ် ကောင်းသူမှ လူကောင်း၊ ကျွန်ုပ်သည် မိမိအိမ်သူများအပေါ် အကောင်းဆုံးဖြစ်တယ်။

اتقو الله فى ا لنساء

အသင်တို့သည် အမျိုးသမီးများ၏ အခွင့်အရေးနှင့် ပတ်သက်ပြီး အလ္လာဟ်အရှင်မြတ်အား ကြောက်ကြကုန်လော့။

ان ا لجنة اقد ام الا مها ت

ဂျန္နသ်သည် မိခင်များ၏ ဖဝါးအောက်၌ ရှိသည်။

ဒါ အမျိုးသမီးများ၏ အခွင့်အရေးနှင့် အဆင့်အတန်းကို မြှင့်တင်ပေးခြင်းပဲ။

ဒုတိယအနီးဆုံး(အိမ်နီးနားချင်းများ)

ကမ္ဘာ့ဇာတ်ခုံပေါ်တွင် မိမိတို့နှင့် ဒုတိယ အနီးဆုံးသောသူများသည် အိမ်နီးနားချင်းများ ဖြစ်ကြသည်။ အိမ်နီးနားချင်းများနှင့် အဆင်မပြေသည်နှင့်အမျှ မိမိအိမ်တွင်လည်း သာယာမှုမဖြစ်နိုင်။ ဒါကြောင့် တမန်တော်မြတ် မိုဟမ္မဒ်(ဆွ) သခင်သည် ကျမ်းသစ္စာ သုံးကြိမ်တိတိ ကျိန်ဆိုပြီး တိတိလင်းလင်း မိန့်တော်မူခဲ့တယ်။

والله لا يو من الذى لا يو من جا ره بواءقه

အလ္လာဟ်အား တိုင်တည်ပြောဆိုအံ့။ မိမိ အိမ်နီးနားချင်းကို ဒုက္ခပေးသောသူသည်(မုအ်မင်န်)မဟုတ်။

တတိယအနီးဆုံး(ဆင်းရဲသားများ)

ကမ္ဘာ့ဇာတ်ခုံပေါ်တွင် မိမိနှင့် တတိယ အနီးဆုံးသော သူများဟာ ဆင်းရဲသူ ဆင်းရဲသား လက်လုပ်လက်စားများ ဖြစ်ကြတယ်။ ဆင်းရဲသားများသည် ကမ္ဘာ့အိမ်ထောင်စုကြီးတွင် လူများစုဖြစ်ကြပြန်ရာ သူတို့၏ ပြဿနာသည် အကြီးဆုံးပြဿနာပင်ဖြစ်သည်။ ဒါကြောင့် တမန်တော်မိုဟမ္မဒ်(ဆွ)သည် ဆင်းရဲသားများ၏ အရေးကို အများဆုံး အားပေးပြီး မိန့်တော်မူခဲ့တယ်။

الفقر فخرى

ဆင်းရဲမှုသည် ကျွန်ုပ်၏ ဂုဏ်ဒြပ်ဘဲ။

လုပ်သားအား ချွေးမခြောက်မီ လုပ်ခပေးပါ။

ဓနရှင်များ၏ ဓနစည်းစိမ်သည် ဆင်းရဲသားများ၏ ကျေးဇူးပဲ။

اللهم احينى مسكينا وابعثنى مع المسا كين

အို - အလ္လာဟ်အရှင် ၊ ကျွန်တော်မျိုးသည် ဆင်းရဲသားများနှင့်အတူနေပါရစေ။ ဆင်းရဲသားများနှင့်အတူ သေပါရစေ။ ဆင်းရဲသားများနှင့်အတူ ထပါရစေ။ ဟု တမန်တော်မိုဟမ္မဒ် (ဆွ) သခင်သည် အရှင့်ထံ ဆုများပန်သွားရှာတော်မူခဲ့တယ်။

စတုတ္ထအနီးဆုံး (တိရစ္ဆာန်များ)

ကမ္ဘာ့ဇာတ်ခုံပေါ်တွင် မိမိတို့နှင့် စတုတ္ထအနီးဆုံးသည် တိရစ္ဆာန်များ ဖြစ်ကြတယ်။ တိရစ္ဆာန်တွေမရှိလျှင် ကမ္ဘာ့အိမ်ထောင်စုကြီးတွင် ဒုက္ခကြီးငယ် ဆိုက်ရောက်မည်ကို အထူးပြောစရာမလိုပါ။

ဒါ့ကြောင့် -

တိရစ္ဆာန်များကို အစာငတ် ချီနှောင်မထားပါနှင့်

တိရစ္ဆာန်တို့၏ ကျောကုန်းများကို မိမိတို့၏ မိမိတို့၏ ထိုင်စရာများ ပြုလုပ်ပြီး မထားကြနှင့်

တိရစ္ဆာန်အချင်းချင်း မတိုက်ကြနှင့်၊ ငှက်သိုက်မှ ငှက်ကလေးများကို မဖမ်းကြနှင့်

စာနာခြင်းတရား အမြဲထားကြပါ။

ဟု တမန်တော်မြတ်(ဆွ)မှာကြားတော်မူခဲ့တယ်။

ကမ္ဘာ့သာယာမှုအတွက်အရေးကြီးသောစီးပွားရေး

ကမ္ဘာ့သာယာမှုတွင် စီးပွားရေးသည် အရေးကြီးသော အချက် တစ်ချက်ဖြစ်တယ်။ စီးပွားရေးမကောင်းသည်နှင့် အမျှ သာယာမှုမဖြစ်နိုင်ပါဘူး။ဒါကြောင့် တမန်တော်မြတ် မိန့်တော်မူခဲ့တယ်။

طلب الحلال فريضة بعدالفريضة

တရားသဖြင့် စီးပွားရှာခြင်းသည် ဖရဿ်တာဝန်များနောက် ဖရဿ်တာဝန်တစ်ရပ်ပင်ဖြစ်သည်။

او صيكم با لتجارافانهم بردالافاق وامناألله فى الارض

ကျွန်ုပ် အသင်တို့ကို မှာကြားခဲ့မယ်။ ကုန်သည်များနှင့် ကောင်းမွန်စွာ ဆက်ဆံကြ။ ကုန်သည်များသည် ကမ္ဘာ၏ သုခကို ဆောင်သူများ ဖြစ်ကြတယ်။ ကုန်သည်များသည် ကမ္ဘာမြေပြင်တွင် အလ္လာဟ်အရှင့်သစ္စာတော်ထိန်းများဖြစ်ကြတယ်။

ကမ္ဘာ့သာယာမှုအတွက် အရေးကြီးသော ပညာရေး

ကမ္ဘာ့သာယာမှုတွင် ပညာရေးသည် အရေးကြီးဆုံး ပြဿနာတစ်ရပ်ဖြစ်နေပြန်ရာ တမန်တော်မိုဟမ္မဒ်(ဆွ)သခင်သည် ပညာမသင်မနေရဥပဒေ ကို ထုတ်ပြန်ကြေညာတော်မူခဲ့တယ်။

ပုခက်တွင်းမှ သင်္ချိုင်းသို့တိုင် ပညာဆည်းပူးကြပါ။

ပညာရှင်တစ်ဦး၏ အိပ်စက်နေခြင်းသည် ပညာမဲ့တစ်ယောက်၏ ခဝပ်ပူဇော်ခြင်းထက် မြတ်တယ်- ဟု တမန်တော်က မိန့်တော်မူခဲ့တယ်။

ကမ္ဘာ့သာယာမှုအတွက် အရေးကြီးသော ယဉ်ကျေးမှု

ကမ္ဘာ့သာယာမှုတွင် ယဉ်ကျေးမှုသည် ဆက်ဆက်ရှိအပ်သော အချက်တစ်ရပ်ဖြစ်ပြန်ရာ -

من لم ير حم صغير ناو لم يو قر كبير نا فليس منا

ငယ်သူကို မသနား ၊ ကြီးသူကို မလေးစားသောသူသည် ငါ၏ အသင်းဝင်မဟုတ်- ဟု တမန်တော်က မိန့်တော်မူခဲ့တယ်။

ကမ္ဘာ့သာယာမှုကို ဖျက်ဆီးသည့် ပထမအချက် (လူတန်းစားခွဲခြားမှု)

ကမ္ဘာ့သာယာမှုကို ဖျက်ဆီးရာတွင် လူတန်းစားခွဲခြားမှုသည် ပထမအချက်ဖြစ်တယ်။ တမန်တော်သည် လူတန်းစားခွဲခြားမှုကို စက်ဆုပ်ရွံရှာသည့်အတွက် အတိအလင်း မိန့်တော်မူခဲ့တယ်။

ايها الناس الا ان ربكم وا حد وان ابا كم..............................

.................................

အို-လူသားတို့ အသင်တို့အရှင်သည် တစ်ပါးတည်း၊ အသင်တို့၏ ဖခင်သည် တစ်ဦးတည်း ၊ အာရဗ်လူမျိုးသည် အခြားလူမျိုးထက်မသာ။ အခြားလူမျိုးသည်လည်း အာရဗ်လူမျိုးထက်မသာ၊ အနီသည် အနက်ထက် မသာ၊ အသင်တို့သည် အာဒမ်သခင်၏ သားသမီးများ ဖြစ်ကြသည်။ အာဒမ်သခင်ကို မြေနှင့် ဖန်ဆင်းထားတော်မူသည်။

ကမ္ဘာ့သာယာမှုကိုဖျက်ဆီးသည့် ဒုတိယအချက်(ဘာသာရေးအယူသီးမှု)

ကမ္ဘာ့သာယာမှုကို ဖျက်ဆီးရာတွင် ဘာသာရေး အယူသီးမှုသည် ဒုတိယအချက်ဖြစ်တယ် ဒါကြောင့် တမန်တော်မြတ် မိန့်တော်မူခဲ့တယ် -

اياكم والغلو فى فانما اهلك من كا ن قبلكم الغلو فى الد ين

အသင်တို့ ဘာသာရေးအယူသီးမှုကို သတိကြီးစွာဖြင့် ရှောင်ရှားကြလော့၊ ဘာသာရေးအယူသီးမှုသည် ရှေးလူဟောင်းများကို ဖျက်ဆီးခဲ့ဖူးသည်။

နောက်ဆုံးတမန်တော်မြတ် (ဆွ) သခင်သည် မိမိဂုဏ်ပုဒ်နှင့်အညီ ကမ္ဘာ့လူထုကြီးအား ဤသို့မှာကြားခဲ့တယ်။

لاتقا طعو لا تد ابروالاتباغضواولاتحا سدواوكونواعبادالله اخوا نا

အို-ကမ္ဘာသူ၊ကမ္ဘာသားအပေါင်းတို့၊ အသင်တို့သည် တစ်ဦးနှင့်တစ်ဦး အဆက်မဖြတ်ကြနှင့်၊ တစ်ဦးနှင့်တစ်ဦး နောက်ကွယ် မပြောကြနှင့်၊ မမုန်းတီးကြနှင့် မနာလိုဝန်တိုသောစိတ်လည်း မထားကြနှင့် အသင်တို့သည် ညီရင်းအကိုပမာ ချစ်ခင်ရင်းနှီးစွာ ပေါင်းသင်းဆက်ဆံနေထိုင်ကြ။

သောတရှင်အပေါင်းတို့ခင်ဗျာ၊ ကြားနာတော်မူကြရတဲ့အတိုင်း-

(၁)ကမ္ဘာကြီးသည် အိမ်ထောင်စုကြီးတစ်ခုဖြစ်ပါတယ်။

(၂)ကမ္ဘာသာယာမှုသည် လူတိုင်းလူတိုင်း၏ တာဝန်ဖြစ်ပါတယ်။

(၃)အမျိုးသမီးများအား အခွင့်အရေး ကျပ်ပြည့်ပေးကြပါ။

(၄)အိမ်နီးချင်းများကို ဒုက္ခမပေးကြပါနှင့်။

(၅)ဆင်းရဲသားများကို မစော်ကားကြပါနှင့်။

(၆)တိရစ္ဆာန်များကို မနှိပ်စက်ကြပါနှင့်။

(၇)တရားသဖြင့် စီးပွားရှာပါ။

(၈)ပညာကို ဆည်းပူးကြပါ။

(၉)ယဉ်ကျေးမှုကို အမြဲသတိပြုကြပါ။

(၁၀)လူတန်းစားမခွဲခြားပါနှင့်။

(၁၁)ဘာသာရေးအယူမသီးကြပါနှင့်။

(၁၂)ညီရင်းအကိုပမာ ချစ်ချစ်ခင်ခင် ကြင်ကြင်နာနာ ရင်းရင်းနှီးနှီးပေါင်းသင်းဆက်ဆံနေထိုင်ကြပါ။

သောတရှင်အပေါင်းတို့ခင်ဗျာ ...

- ဒါ တမန်တော်မြတ်မိုဟမ္မဒ်(ဆွ)သခင်၏ ကမ္ဘာအေးတရားပါပဲ။

- ကမ္ဘာအေးတရားကို လက်တွေ့ကျင့်သုံးလျှင် တို့ကမ္ဘာ အေးချမ်းမှာ သေချာတယ်။

- ဘေးဘယာဝေးကွာ၍ ဒို့ကမ္ဘာ အေးချမ်းသာယာပါစေသတည်း။

- တမန်တော်မြတ် မိုဟမ္မဒ် (ဆွ) သခင်အပေါ်သို့ ကောင်းချီးမင်္ဂလာအဖြာဖြာ သက်ရောက်ပါစေသတည်း။

(ဃာဇီ မိုဟမ္မဒ် ဟာရှင်မ်)

အထွေထွေ အတွင်းရေးမှူး

ဗမာနိုင်ငံလုံးဆိုင်ရာ ဗမာမွတ်စလင် အိုလမာအဖွဲ့ချဲပ်

၁၉၅၁ ခုနှစ်၊ ဒီဇင်ဘာလ ၊ (၁၂) ရက်။

***************************

Pages

Thursday, February 5, 2015

Wednesday, January 28, 2015

ဇေယျကျော်ထင် ဒုဗိုလ်မှူးကြီးဘရှင်(၁၉၁၅-၁၉၇၀)

PDF တိုက်ရိုက်ဖတ်ရှုရန်နှင့်ဒေါင်းရန်

Tuesday, January 27, 2015

မြန်မာနိုင်ငံတွင် အစ္စလာမ်သာသနာရောက်ရှိလာခြင်း

Sunday, January 25, 2015

Friday, January 23, 2015

Tuesday, January 20, 2015